مرحبا صبايا و شباب
مساكم الله بالخير
وصلنا الى الحلقه الثالثه من الحياه حلوه
و ان شاء الله ما تكونون مليتوووو من رقعة ويهي خخخخخخخخخ
المفروض الانسان يقدر الاشياء الصغيره في الحياه…مثلا بسكوت و حليب لوووول
اي واحد منكم يخبرني متى اخر مره غط البسكوت في الحليب و يلس ياكل و يستمتع
ماشي عافنا الله كله شاورما و الا برياني و الا ضرب بالخمس…لا يا جماعة الخير استمتعوووو
في خاطرك فارليز؟؟ سير الجمعيه خذلك فارليز عادي…لووول دوم اسويها
و الحياه حلوه …لا تكبرووون عماركم 
_________________
اخر مره مسكت فيها الوان و كراسه و رسمت كانت ايام المدرسه في حصة الرسم…يعني من ملايين السنين
تخيلو بس تخيلو دبي بيبي شو سوت اليوم؟؟؟
حصلت كراسه و الوان عدالي و يلست اشخبط
و اعبر عن نفسي بالالوان … قلدت رسمه لقيتها في النت
بس رسمتي فاشله جدا و جنها مال اليهال … و انا مب رسامه و لا يخصني في الرسم 
لا تضحكون عليها
و الا اقولكم اضحكووو شرات ما تبووون عادي الحياه حلوه
الحين اشووف رسمتي و احس بمشاعر غريبه؟؟ جني رديت المدرسه في حصة الرسم!!
اطالعها و اضحك و احس اتقفط
و الا اقنع عمري انها زينه مش حالك لوووووول
بس دعوه مني لكم..انكم تسوون شي ما سويتوه من زمان..رسم ..كتابة خاطره..قصه …
________________________________________
ما احلى الحياه يوم عندك اكسترا شمثنج في حياتك << extra something
شي مب ضروري لكن لو انوجد يسعدك
في احد ايام رمضان الفجر
يت البشكاره تصيح؟؟؟
قتلها مالك انت يا ست يا مجنونه؟ خخخخخخخخخخخ
بشرتني ان يتنا اضافه لعائلتنا السعيده << ان شاء الله دوم
اضافه عوده شوي ..خمس نفرات في وقت واحد
و هاييل هم اول ما انولدووو
معفنين جنهم فيران ….
للاسف وحده منهم ماتت و تمووو اربعه
و الحين ماشاء الله كبروووو
و هاييل 2 من عيالي
هذا هارلو
و هذا ارتشي
قولو ماشاء الله لا ترقعووونهم بعين بذبحكم عقب ترا
و هاي امهم المعفنه ستار
تاكل خبز لبناني
غريبه اني قبل فتره كنت ابا اتخلص منهم..الام و الاب..قبل لا اييبون العيال..بس سبحان الله… الله ما يسر الموضوع..و استخرت..و في النهايه تمووو
لا حد يقول عطيني منهم…محد يعطي عياله لوووول
اتخبل عليهم هالارانب العبهم و ارقدهم و يعضضوني و يعملوها عليه
و البشكاره ترضعهم بقطرة الاذن لووووول
في اشياء صغيره في الحياه تسعدنا…اشياء جدام عينا لكن ما نلاحظها
اتمنى تشوفونها و تقدرونها..و تاخذون دقيقه من وقتكم تو ابريشييت ات 
وانا بعد مابزيد على كلام فاء واماراتيه صدق موضوعج يا اختي حلوو وينسينا ضغوط الشغل والحياة
الحمدلله رب العالميين
واليوم انا سويت شراتج سرت المطعم وطلبت تقريبا نفس الاكله اللي تخبرتج عنها في الصوره
وعقب بغيت اسير المساج بس الوقت متاخر سرت حق عمر وسلمى ههههههههههههههههههههه
وبالنسبه للحليب والبسكوت.. حلاته الحليب في كلاص الجبن وهات يا غط البسكوت
يعطيج العافيه اختي والله يسعد ايامج ان شاء الله دووم ونتريا رسومات ثانيه وكثري من ها المواضيع
الطيبه
دبي بيبي صدقيني وانا اقرا مواضيعج احس ان الحياه فعلا حلوه
صار لي مده طويله ما ابتسمت الا في مواضيعج
بالفعل انتي فاكهة المنتدى
الله يديم عليج السعاده وينولج مرادج
كل الود
صدق فيراااان
واشعر ان الحياة فعلا حلوة
صدقتي …مآت الاشياء الصغيرة…تصنع فرق كبير…لكننا للأسف لا نقدرها,,,أو بالمعنى الاصح.. ما نعطيها
الوقت الكافي للتمعن فيها ومعرفة اهميتها وتأثيرها علينا…
دايما اكل أوريو مع حليب بـــــــــــــارد…..يممي يمي …متعـــــــــة بالنسبة لي
واليوم…وصلني مسج …من كلمة وحدة بس…لكن الدنيا كلها نوّرت…وقلبي طاااار فرح
قطاوتي من يومين ماشفتهم…كنت بايتة في بيت اختي…ولما رجعت وشفت لهفتهم…حسيت ان الحياة
حلوة
مرّة حسيت ان الحيـــــــــــــاة ممكن تضعني على قمة هرم السعادة…بسبب حبة كاكاو باونتي
لا تستغربون….فكروا في كل التفاصيل الصغيرة…
فكروا في الايد الي تمد لكم حبة الكاكاو…والقلب الي يحب يهديكم ما تحبون…مهما كان حجمه صغير
بتعرفون ان كلامي صادق…وصحيح
دبي بيبي,,, لا تحرمينا من افكارك الي تخلي الحياة احلى
هذا شكله
كوتوموتولي عوده بعد قليل