الحياه حلوه عووده بعد انقطاع

مرحبا صبايا و شباب

ادريبكم تتريون عودة موضوع الحياه حلوه

و وايد يطرشوولي رسايل يسألوووني عن ازعم المطاعم في دبي لووول و انا مصدقه عمري و مستويه الدليل السياحي

المهم رديت لكم مع اماكن فنانه للاستمتاع بالحياه

عاد هالحلقه اكلنا كله اسيوي ..اللي ما يعيبه يطلع من الحين …اعرفكم و حافظتنكم ..بتيلسون تقولون ماشي شرات العيش و البرياني …و الكرشه لين الركب

الموهيم

تعالو اراويكم اخر صيحات الموضه في الاكل عندي

انا ما اكل سيفوود ..بس سمج و يكون مسواي في البيت …ما احب اكل ربيان لان اخاف من شكله ..و لا قباقيب و لا نغر و هالخرابيط..ما استسيغهم

بس شوي شوي قلت ما يستوي جيه يا دبي بيبي الحين انتي استويتي عيووز و ما تاكلين هالامور ..لازم شوي اضغط على نفسي و اجرب اشياء يديده ..و بديت في الربيان و السوشي

و الحين خلاص استويت خبيرة الاكلات السيفوديه …و شي مطعم سرناله انا و ربيعتي خطييييييييير

اسمه بانكوك تاون و اليكم مأكولاتنا اللذيذه

اول شي شوربة تام يام

طاع القبقوبه اللي في ملتي..ها الموقف لو قبل كم سنه كان عادي يغمى عليه هههههههههه

و كلنا كلماري و عيش و نودلز و خرابيط تايلانديين

شفتو التطور…انا مره سرت ماليزيا تميت 3 ايام ما اكل ..احس اكلهم سواويط البلا

الحين تطورت العزبه و دبي بيبي تاكل جميع انواع السواويط

طبعا في البيت بعدهم ما يدرون اني تطورت و اكل ربيان و قباقيب الحين …ما دري متى بصدمهم ..بس اكيد بتكون صدمه شديده لهم هههههههه

لان قبل فتره فجيت باب الثلاجه و لقيت ربيان من الكباااااااار مبققين عيونهم فيه و صدق انصرعت..سرت اليوم الثاني اقول حق الوالده شوووووووووو هاااااااااااااااااااا ليش مسويلنا رعب في الثلاجه خخخخخخخخخخخ

لكن الحين غير

و اخيرا ..هالحلويات..بسكوت داخله شي لين ..كل مره اقول بحفظ اسمه و انساااااااه

ممممممممم انه لذيذ

شكله لذيذ و طعمه لذيذ من بابيس كافيه << مال فريجنا

اما الان و الجو استوى جميل و شاعري ماشي احلى عن البحر

و خلق الله يتسبحون و دبي بيبي مندمجه في عالم ثاني ..مستويه كولي ههههههههه

و سويت قصر لووول

و باعدين نعوود الى المطاعم

هاي المأكولات اللذيذه من مطهم داي جي داي الصيني في ابتاون

ها سواط ربيعتي طلبته

بس اللي انا طلبته كان كله لذيذ كلماري و ربيان بالسمسم و سبرنج رول

….

و على كثر ما اكل ماشاء الله عليه الحين وزني 50<< ادريبكم بتتسيخفون و يوم بتشوفون الاكل بتقولون انتي كم وزنج و انتي اكيد دبه ..بس انا ما يهمني عشانكم كلكم تغارون مني عشاني حلوه و دلوعه << خخخخخخخخخخخ عايشه الدور الاخت

الموهيم ماي بوينت از لازم الواحد يكون عنده اكتفتي في الحياه ..مب بس يالسين مجابلين النت و التلفزيون

و سرنا مكان مال اووووووووول ….مال يوم كنا يهال ..و حصلناه لازال ميه ميه و حلاته مافيه زحمه

و لعبنا بولنج

دبي بيبي يوم تلعب لازم كل الكور ورديات ..شي مهم

و الايس سكيتنج ..و انا موقفه من 10 سنين تخيلووووووووو..بس المفاجأه الحلوه اني ما اندبغت و لا مره و رديت شرات قبل و احسن

…

و الحين نرد للاكل

و هذا السوشي بار في فيستفال ستي ..اللي كل ما اسيرله اتخيل شيلتي تعلق في السير المتحرك مالهم و اعافد على الطاورت شرات مستر بين يوم علقت كرفتته هههههههه

هالمطعم يعيبنييييييييييييييي لاقصى درجه ..مطعم ميه ميه و لا فراخ القمعيه

و اخيرا مره عندنا عزيمه في بيت ربيعتي ..و بووول بارتي و دلع

و اخر شي عشانا مال المطعم الايراني ههههههههههههه كانت مصخره

و بالعافيه عليكم الموضوع اللذيذ

و عشان تشوفون مطاعم اكثر سوو سيرج على مواضيع الحياه حلوه القبليه

اوكييييك

سيوو ليتر