الخزنه للخدمة السيارات. ياناس أباكم تتحذرون منهم..

ياناس أبا أحذركم من الخزنه للخدمة السيارات يلي موجود في العين
وموقعه قريب من محطة حفيت

بخبركم عن المعانه والمقصه كيف وسياستهم
طالع عماركم
موتريا شكل قيره تم معشق على قير واحد مايبدل وأنا أكنت أشوف هذي الورشه من أحسن ورشات ومافيهم نصب
وصلت الموتر عندهم وقالولي منفحص السياره ومنرد عليك الجواب
قلتلهم أوكي وروحت عنهم
وأتصلولي الجماعه وقالولي السياره عندك منحرق كمبيوتر القير . قلتلهم أوكي كم يكلف تصليحه وعليه ضمان.
قالوا الكمبيوتر قيمته قريب 7000 وقالوا طلع عندنا في التقرير لازم ننزل القير ونفكه في عطل بالداخل قلتلهم أوكي . والله ياجماعه تريتهم أسبوعين كل يومين أييهم ويقولولي نتريا تقرير الوكاله علشان نعرف سعر القطع .
توقعوا ياجماعه شوقالولي
قالوا القطع الغيار بيكلفك قريب 24ألف
قلتلهم ليش الموتر كان معلق القير على واحد يعني القير لايخشع ولاشي يعني عطل كهربا.
والله ياناس قلتلهم طلعوا السياره بره وأنا بوصلها مكان ثاني قالولي منجمعلك القير 1500 قلتلهم حطو القير في كرتون لا تجمعونه ولا شي بس طلعولي السياره بره.
وفوق هذا دفعوني 1600 سعر فك القير والفحص..
وشليت السياره الشارجه عند كراج بس والله ناسي أسمه بس هو قريب الدبلماسي للقطع غيار السيارات مرسدس.. وأخبرتهم بالمشكله وقالولي قير موترك مافيه شي بس يبغيله برمجه عن طريق أون لاين والله ماقصرو جمعوا القير وركبه على الموتر وبرمجوه والله كأنه قير يديد مافيه شي..
كلفني الموتر في الكراج سعر البرمجه مع آيل قير + التركيب..
3000 درهم
شوفوا النصب كيف بعد إذا كنت يايب الموتر ألهم والقير مو مبطل كان بيكلفني 500 درهم بس..

والله ياناس لو تروحون عند الخزنه وتقولولهم شورايكم في وكالة المرسدس بيقولولكم والله أنهم حراميه ونصابين ومادري شو ..

والله نصيحه مني ألكم تحذروا منهم .

ينفعون حق تبديل آيل مكينه وسفايف بس..

والله حبيت أحذركم منهم حت لاحد يطيح في الخساير مالها داعي

والسموحه منكم يامخاوين شماء