الخساير

10 thoughts on “الخساير”

1. السلام عليكم

   يا جماعة انتو متفقين بينكم وبين انفسكم ان انتو مستثمرين خلاص ليش الخوف

   الحينه فرصة حق المضارب يدخل
   كل الاسهم نازلة

   انا عن نفسي اول ما اشوف السوق ارتفع بدخل حتى لو ما احصل بسعر الحالي المهم اتأكد ان السوق خلاص بيرجع يرتفع
   بس ما عليكم الخبر اللى نزل اليوم عن اعمار وبيع 90% من ريحان من الممكن يرفع السهم يوم السبت
   بس ياريتهم نزلو الخبر يوم السبت حتى ايكون مفعولة اقوى

   شوفو هذي الاخبار

   إعمار تبدأ اليوم بيع الوحدات السكنية في “برج عنبر”…………….. 28/09/2004
   إعمار تبدأ بيع مجمع فلل “تيرا نوفا” في “المرابع العربية” ……….18/09/2004
   إعمار تبيع كافة الوحدات السكنية المتوفرة في مشروع” الروضة ” 05/09/2004

   كل هذي الاخبار في شهر 9 بس واخرها خبر اليوم عن بيع 90% من مشروع ريحان
   يعني اعمار باعت اربع مشاريع في شهر واحد

   انا ناوي اليوم اخبلبكم
   تعالو نحسب كم فلة باعت اعمار من اربع مشاريع ابدون اي مبالغة في الارقام
   لو انقول ان كل مشروع 400 فلة على اقل تقدير يعني اعمار باعت 1200 فلة من اربع مشاريع وهذ على اقل اقل تقدير
   اسعار الفلل في هذي المشاريع ما اتقل عن 450 ألف
   اما المرابع العربية سعر الفلة الواحدة من مليون الي مليون ونص

   لكن نحنا مب طماعين بنقول المعدل الوسطي للربح من اربع مشاريع 150 ضرب 1200 فلة =180 مليون في شهر واحد بس

   جزء كبير من هذي الارباح بتدخل في الربع الثالث والباقي في الربع الاخير

   اللى اشوف ان الارقام هذي بعد وايد اقولة

   «نخيل» تبيع كافة وحدات «قرية الجميرا» في يوم واحد

   كشفت «نخيل» أمس عن بيع كافة الفلل والوحدات السكنية ضمن مشروعها الجديد «قرية الجميرا» وحظي هذا المشروع العملاق الذي يهدف إلى تطوير قرية مثالية توفر نمط حياة مريحاً وعصرياً بإقبال غير مسبوق من قبل العائلات والمستثمرين المحليين والإقليميين والدوليين.
   وأعلن قسم المبيعات في «نخيل» عن الانتهاء من بيع كافة وحدات «قرية الجميرا» التي تضم أكثر من 7000 فيلا ووحدة سكنية فاخرة في غضون يوم واحد فقط من إطلاق المشروع يوم أمس الأول ونظراً للاقبال الكبير غير المسبوق من قبل المشترين الذين تجمعوا أمام مركز المبيعات منذ الصباح الباكر قبل افتتاح مكاتب البيع واستمروا في التدفق حتى ساعة متأخرة من مساء يوم الخميس، رفعت نخيل عدد الوحدات المعروضة للبيع من 6000 لتشمل 1000 وحدة .

   بعد هذا الخبر كم تتوقع باعت شركة اعمار ؟؟؟؟

   راسكم عوركم 😆 😆

2. انزين ماتروم تخليهم لين بعد العيد ماريد اقلل من قيمه السوق لكن رمضان بيبطى السوق شوي بس حرام والله فتى العين تبيع بخساره سهم املاك جدامه الطريج ومارتفع كثير مثل اعمار اتريا عليه لاتفكر تبيعه في الوقت القريب بعيعه لو حتى براس ماله اهم شي انك ماتخسر فيه

3. شكرا علي مروركم 0000

   اسهم الذهبي انا اشتريت 10100 سهم بمبلغ 3.16 درهم

   شكرا اخوي كوات علي النصيحة ولكن هذا يبيلها قعده وتغيب عن الدوام يوم السبت وقرايت الجريده الساعة 8 الصبح 😆

4. وعليكم السلام…..

   جرب هالطريقة يمكن ترتاح منها

   1- يوم السبت بيع 70 % (لاتزيدهم او تنقص) من أسهم أملاك اللي عندك بس لا تحط الطلب قبل ما يفتح السوق … خله لين بعد ما يفتح السوق وشوف أحسن سعر تقدر عليه.
   2- في نفس اليوم اذا اعمار نازل خذ منه ب 50 % من السعر اللي بعت فيه أملاك.
   3- إذا اعمار ما كان نازل…. اليوم اللى بعده تابع السوق قبل ما يفتح ما بين 10 و 10:20 شوف العروض والطلبات وحط طلب اقل ب 40 فلس عن الأسعار اللي تشوفها. ( بس لا تنسي خذ ب 50 % من المبلغ اللي بعت فيه املاك)
   4- في نفس الوقت تابع أملاك وشوفه لو نزل أكثر خذ بباقي ال 50% من اللي بعتها فيها وبعدين بتعدل سعر أملاك من الجديد اللي خذته والقديم الغالي اللي كان عندك.
   5- وأخيرا بيكون عندك أملاك بسعر معقول ومن اعمار اللي الشباب يقولون انه ممكن يضرب ال 10 وبتكون مستفيد منه انشاءالله.

   لو الطريقة مشت وياك صح …. نفسيا وماليا بترتاح وهذا المهم وطبعا على مسؤوليتك.

   ملاحظة : 1- لو كانت استثمارك اقل عن 60 ألف درهم بالدرهم بمكن الطريقة هاي ما تسوي التعب. 2- لو أرباح اعمار نزلت بالجرايد قبل ما تلحق تسوي هالحركة لا تخاطر وتجربها بعد ما تنزل الأخبار لان الوضع بيتغير.

   وتحياتي لك. 🙂

5. اول شي فتي العي اشحالك
   ممكن تقولي كم سهم اشتريت املاك وباي سعر

Comments are closed.