الخطابه أم سعود ……

السلام عليكم

اليوم استمعت لبرنامج بوراشد في راديوا الرابعة والناس

بوراشد اتصل لوحده اسمها ام سعود

المكان : الشارقة
المنطقة : العزره

الوظيفة : خطابة ( أعتقد عندها مكتب والله أعلم )

صار لها تشتغل بهالوظيفة 16 سنة

زوجت أكثر عن 1000 شخص

زوجت 3 زواج مسيار

حاليا :

عندها 150 طلب كزوجه

عندها ما يقارب 12 طلب كزوج يبا الزوجه الثانيه

لم يتم التطرق لعدد الطلبات للزوج

اللقاء بين الزوجين مسموح بس بالنظرة الشرعية

المطلوب :

1. تعبأة استمارة طلب ب500 درهم مع نسخه من جواز السفر
(يمكن استرجاء النقود في حالة عدم التوفيق)

2. نظرة من أم سعود ( بما يخص الطول والوزن والشكل الخاجي )

طبيعة عمل أم سعود

حين ما يتقدم الشخص بطلبه للزواج تقوم ام سعود بجلب كافة المعلومات عن الشخص شخصيا
من ثم تقوم بجمع المعلومات بطريقتها الخاصة

عجبتني يوم قالت اذا هو ولد حلال وسمعته طيبه ويستاهل اشوف له البنت

وإذا لا ما أهتم بأمره بما معناه

في أم اشتكت لأم سعود عندها 7 بنات محد اتقدم لهن

ام سعود زوجت لها 4 بنات والباجي بالطريج

عاد هالأم عطت ام سعود المهر مال أول بنت لها يعني 20 ألف (تعبير عن الفرحه وتقديرا لها)

اتقول : أنا ماخذ شي بس إلي ايي من الله حياه الله

سألها بوراشد في حد تطلق ؟

قالت لين أحينه محد تطلق ( الله أعلم )

الطلب على الموظفات المواطنات أكثر

زوجت فرنسية مقيمه في الامارات لمواطن

انتوا شو رايكم ؟

أنا أشوف انه عمل انساني

والله يجزيها ألف خير

انشالله كله في ميزان حسناتها

بس سالفة المسيار مافهمتها بالضبط ( ترى يقولون حرام والله أعلم )

بعيدا عن الموضوع ( اليوم حلمت اني رزقت بولد وأركض لأبوي أراويه الولد )
هذا عاد الليلة قبل ما اسمع البرنامج

اخوكم الاشكناني