الخلـيج بـلازا “” للوآأزمــ الرحـــلات والكشتـآأت “” << صوور

السلام عليكم ورحمة الله وبركاته

شحالكم عساكم بخير

بمناسبة قدوم الشتاء وموسم الكشتات , حبيت احطلكم ها الموضوع وهو عباره عن محل متخصص في بيع سوالف الرحلات والكشتات من خيم ومعاميل ولوازم الشوي والسليب باق و عدة السياره وكل شي يحتاجه الواحد فالطلعه .. المهم مابطول عليكم واخلييكم ويا الصور

هاي صوره لرف من رفووف المحل , في القطعه الي تتعلق ف جامه الموتر من داخل عسب تحط يدك والاغراض وغيرها

شياول بأحجام مختلفه وتتطبق وتنحط ف شنطه صغيره وماتاخذ مكان , وتحت بتشوفون الذاري(قطعه تلبس فيها التواير اذا بتيلس عدال الموتر عسب مايدخل الرمل من تحت الموتر) غير الفاس والسكاكين ..الخ

صورة الخيمه من داخل ويا المعمل الصغير , وبعض الاغراض

هاي صورة للمعاميل واحجامه وانواعه ,, وكل ما كبر المعمل , زادت الاغراض الي داخله

سوالف الكهرباء عندهم عجييبه .. مثل ماتشوفون انواع واحجام الليتات واكثرها تشتغل على طفاية السياره ويكون فيها مغناطيس عسب تعلقها ع بدي السياره , واحلى قيم ورقه هع هع ,, وغير المحول تشبكه على بطاريه السياره وفيه اكثر عن فيش اذا تبا تشغل لابتوب, تلفزيون, او حتى تجرج تلفون ..الخ وفيه اشياء ثانيه بس صورت ها الصوره من جريب عسب تشوفون الشغلات هاي بصوره احسن

الثلاجه العوده فيها مروحه وتروم تتحكم ببرودتها وطبعا تشتغل ع طفاية الموتر لا كهربا ولا هم !! ,, والي عدالها صغيره تنحط مكان السده وبنفس الوقت فيها مكانين للماي او العصير وتبردهم بعد

ها الصوره للسله تتعلق ورى الموتر وتتحمل اغراض وايد .. عمليه وكشخه

هاي صوره لأنواع السليب باق فيه بو نفر ونفرين واحجام مختلفه ,, وفيه اكثر عن 5 انواع قماش من داخل فرو, وشيفون, وصوف ومادري شو , والي فالرف الي تحت ,, كراسي ارضيه للي يحبون اليلسه ع الارض وفنفس الوقت يسند ظهره ع شي , وقابله للطي وتنحط ف شنطه

هاي عدة الطبخ, جول كبيره وصغيره

وهني عاد عدة السيايير , هاي تلابيس مال القير تقريبا لجمييع انواع السيارات الفور وييل

وهاي كل الي تحتاجونه من ابر لتنسيم التواير ورقع و مقياس الهوا و القلص بأحجام مختلفه , و تانكي الماي ونفس المضخه الصغيره حق الغسييل والوضوء وغيييرها واايد اشيااء

وهاي صوره للخيمه ,, وطبعا في قسم ورى بس ماصورته للخيم بأحجام مختلفه واكثر عن نوع , فيه الي تنفتح بسرعه بدون ماتعابله , وفيه الي بالعصي وفي خيم البلاستيك والقماش وانوااع وايد

وهاي صورة المحل من بررع ,

طبعا المحل ما يضييع ومكانه زين وبعيد عن الزحمه والباركنات موجوده .. فالميناء , بين جمعية الميناء التعاونيه و وكالة الفطيم دشوا هناك وبييكم ع اليمين ,, وانا قبل امس كنت عنده وتوها كانت واصله البضاعه من السعوديه ,, وها الصور قبل البضاعه يعني اكييد ياب شغلات يديده

طبعا نعرف انه ها المحل يمكن مب الاول في بوظبي , بس مافيه محلل متخصص ف ها الشغلات , واذا كان فيه وحصلتوا بيكون غالي ومستغل الوضع ورافع الاسعار , ولا تقولولي المحل الي ف شارع المطار شبر في شبر واسعاره نار ,, وبالنسبه للي ف دبي والشارجه (بدون ذكر اسامي) كنت عنده الاسبوع الي طاف وفرق عن ها المحل بـ 150 درهم تقريبا للغرض الواحد !!! يعني ها المحل اسعاره وايد مناسبه وارخص عن اي محل ثاني, وترومون تتأكدون بنفسكم

والسموحه ع الاطاله