السلام عليكم ورحمة الله وبركاته
هذا مقتطف مما جاء به التقرير الذي قُدم لوزير التربية والتعليم ولمدير مجلس أبوظبي للتعليم ( كشفت خبيرة في شركة «ماكنزي الدولية»، المتخصصة في وضع خطط للنهوض بالتعليم في مناطق مختلفة من العالم، عن أن مستوى طلبة الإمارات ينحصر بين «ضعيف» و«مقبول»، وأن مستوى المدارس نفسها بين «ضعيف» و«مقبول»، وبعضها بين «مقبول» و«جيد»، بناءً على بيانات استقتها من الميدان التربوي، ومن نتائج تقييم الطلبة الشهرية والسنوية في الدولة )
السؤال المطروح الآن وبعد أن جاءت النتائج عكس المتوقع بالنسبة للوزير القطامي وللدكتور الخييلي والذي هو متوقع سلفاً بالنسبة للشعب الإماراتي الذي قال ومنذُ سنوات بأن الشراكة مصيرها الفشل، هل سنرى تغييرات جذرية في التربية والتعليم ؟! أم أن الحال سيبقى على ما هو عليه بالنسبة للشراكة الأجنبية التي استفادت مليارات الدراهم وتوظيف للأيادي الأجنبية ؟!! متى سيستقر حال التعليم في دولة الإمارات ؟
هنا التقرير كامل
.
العله الوحيده الي واجهتنا ايام الدراسه هيه اللغه الانجليزيه و طريقه تدريسها ,,,
بالغصب نجت فيها ايام الثانويه و سافرت لامريكا ادرس ,, صدق تبهدلت فالبدايه بس الحمدلله الله يسر لي الاموور
امااا بخصوص الباقي اتمنى الرقي لوزاره التربيه و التعليم و الكف عن استقدام العماله الاجنبيه الي مالها داعي دام العماله الوطنيه موجوده ,,, (و التكلفه اقل!!!!!!)
أنا أقصد المناهج الحين تغيرت 100% عن ايامنا وكل شيء صار صعب و معقد
الدوله تبا تطور ولكن التطور ما ايي مره وحده ودفعه واحده لو بالتدريج بنقول هيه اما مره وحده ما ينفع
من مسك حنيف الوزراة خبص بالدنيا خبيص ويا حميد القطامي وسار على دربه
يعني بالعقل واحد ما يفهم انجليزي كييف بياخذ احيا وفيزياء بالانجليزي المفروض اول شي يكثف الانجليزي لين يصير الطالب اوكي وبعدين يحول المواد كلها انجليزي مب خذوه وغلوه
يوم يبون يغيرون المناهج يبتدون مع الجيل اليديد اللي من الصفر عشان تكبر ويااهم مب فجأه جيه
والله اني يوم شفت مناهج عيال اختي انصدمت شفت اشياء على ايامنا كنا ناخذها في ثانويه الحين
اليهال ابتدائي واعدادي ياخذونها احس اكبر من عقليتهم كيف بيستوعبونها ؟؟
lolz
الله المستعان
المواد الي فالثنويه الي مامنها فايده ودرزن كتب يكنسلوها احسن
على قولة واحد من الربع يدرس برع البلاد ..
يقول يختار الماده الي يباها حتى لو مادتين..
والوقت الي يباه .. صبح ولا عصر ولا مسى ..
اهم شي يدرس الماده الي تجذبه ..
ويحب يدرسها
والمفروض فبلادنا يخيرون الطالب على حسب ميوله
والوقت الي يباه ..
فتره صباحي او مسائي ..
والدراسه مب اكثر من 3 ساعات لانه جونا بالاساس مايساعد بتقبل المعلومات.
وعقب مايتخرج ان شاء الله حتى لو مثلا يبا يشتغل فشركه خاصه او محاسبه
بيكون له خلفيه بهالشغله
لانه مثلا ميوله كانت رياضيات .. ومحاسبه .. وكمبيوتر .. إلخ
نتمنى من المجلس تطبيق هالفكره
واعطيه قرنتي بيطلعون عيالنا يخترعون الذره والنووي بعد
× سؤآآل محيرني ؟؟؟ ليش يايبين آجـآنب ؟؟ يدرسون آنجليزي بنبلعهـآ .. بس وجودهمـ تحصيل حـآصل و ديكور اننا جايبين اجـآنب ومسوين عقود ؟؟ يعني محترفين .. الله يهديكمـ بس .. وهم في بلادهمـ مـآيقبلونهمـ في معـآهد طبخ …
+
تمليك عقاري للاجانب ومشاريع بالمليارات
=
سنغفوره الخليج العربي