مســـاكم بريحة الفانيلا >>> تحب الفانيلا 
اليوم سالفتي تضحك شوي على قهر
هذا ربي يسلمكم ويعافيكم .. الوالدة الله يطول في عمرها ويعطيها الصحة والعافية ويمتعنا ببقاءها كل يوم تتصل فيني امممم مااذكر كم مرة بس ماشالله اذا وعت الصبح تتصل واتخبرني سوالف الخدامات واتصال الظهر تقولي شو بيطبخون واتوصيني لا آكل شي في الدوام عسب أتغدا واذا يعيبني انهم يطبخون عيش وسمج والا يسوون شوربة والا شو نوع السلطة واتصال آخر الدوام يكون : انتي وييييين !؟ اقولها في الدرب ماماتي … اطوف اشارة والا اشارتين تقولي : هاا وين وصلتي اقولها : انا بعدني في الدرب “وخاصة الحين شارع الخليج العربي ما يحتاي ” وتمت تعطيني محاضرة يا بنتي تعالي البيت بسرعة انا اخاف عليكم !! اقولها : ماماتي انا في الدرب والله واصلا انا ما احب الطلعات ! 
واتصال الظهر تقولي شو بيطبخون واتوصيني لا آكل شي في الدوام عسب أتغدا واذا يعيبني انهم يطبخون عيش وسمج والا يسوون شوربة والا شو نوع السلطة واتصال آخر الدوام يكون : انتي وييييين !؟ اقولها في الدرب ماماتي … اطوف اشارة والا اشارتين تقولي : هاا وين وصلتي اقولها : انا بعدني في الدرب “وخاصة الحين شارع الخليج العربي ما يحتاي ” وتمت تعطيني محاضرة يا بنتي تعالي البيت بسرعة انا اخاف عليكم !! اقولها : ماماتي انا في الدرب والله واصلا انا ما احب الطلعات ! شوي وتتصل فيني يحليلها اتقولي هاا وين وصلتي !؟ اقولها: شكلج تتسلين معاي وعادت لي نفس الاسطوانة انا اخاف عليكم عيال الحرام وايد يمكن حد يغازلج !!! >>> وين يغازلون اذا انا من الدوام في السيارة واسوق في الشارع ! قالت لي : يمكن حد يلف عليج ! او يمكن حد يلحقج بالسيارة والا شي “امي من النوع اللي وااايد خيالها واسع ” عادي تتخيل ان في حرامي بيدش البيت وكل يوم تشيك على ابواب غرفنا لاااازم انسكرها بالمفتاح من داخل من خوفها علينا الله يهديها يارب ويهدي بالها 
جاان اقولها : ماماتي انا في الشارع محد يوقف حد في الشارع عسب يغازل والا وبعدين انا متحجبة ومتغشية ولا اطالع حد ولا حد يطالعني قالت لي: انا واثقة فيج بس عيال الحرام وايد ما اتعرفين كيف يطلعون لج ! جااان اقولها : انا في حيااااتي كلللها محد غازلني اطمني قوم المغازل معروفين ونحن مب مال مغازل وهالسوالف .. تمت تدعيلي ان الله يحفظنا وسكرت عني فديتها 
وفي ذاك اليوم كنت عطشااااانة وااايد >>>> بلغ مني العطش مبلغه ، وطول الدرب ونا اشوف البحر وودي بماي 
المهم وصلت واحة أدنوك ونزلت اشتري ماي والا اسمع صوت من وراي !! 
واحد يتكلم بصوت عالي مع الفلبينو اللي يبيع ووين ما اسير يكلمه واسمع صوته في صرصور ودني على قولة المصاروة خذيت الماي وعلوج وما ادري شو بعد المهم ودفعت للفلبينو 5 دراهم جاان يقولي حسابج 6 درهم مدام !!
واحد يتكلم بصوت عالي مع الفلبينو اللي يبيع ووين ما اسير يكلمه واسمع صوته في صرصور ودني على قولة المصاروة خذيت الماي وعلوج وما ادري شو بعد المهم ودفعت للفلبينو 5 دراهم جاان يقولي حسابج 6 درهم مدام !!جان اظهر 100 درهم قلت له اصرفهم والا اسمع نفس الصوت يقولي اختي توكلي على الله ! >>> توكلنا على الله !!!
ما رديت عليه قلت للفلبينوا go ahead ! 
جان يرد نفس الصوت سيري انا بدفع عنج وقال للفلبينوا رد لها فلوسها ! >>> قلت في خاطري خير ان شاء الله اختك والا امك ولا زوجتك !
ما التفت ولا حتى رديت عليه وقلت للفلبينو go ahead !! 
والفلبيني مسكين متصنم ما يعرف يسمع كلامي ولا كلام صاحب الصوت لاني ما شفته لكن لمحت انه قصير وشفت بياض دشداشته !
والفلبيني مسكين متصنم ما يعرف يسمع كلامي ولا كلام صاحب الصوت لاني ما شفته لكن لمحت انه قصير وشفت بياض دشداشته !وما عرفت شو قال بس جنه تحرطم ع الفلبينو ليش صرف لي ال100 وما فهمت شي لاني طلعت من الواحة
يوم طلعت سيارتي شفته ساد علينا الطريج وقلت يادي اليوم اللي مش فايت ! واتريينا لين راعي الرنج حرك سيارته 
تميت اتأمل حواري مع الوالدة والموقف اللي صار قلت شكلي ضربت نفسي بعين هههههه
ويوم رديت خبرتهم في البيت ضحكوا علي اختي قالت لي يمكن شهامة منه وحليله الريال حب يظهر الكرم الحاتمي ! قلت لها يظهره ع الفقراء والمساكين مب يضايق خلق الله الله يهديه
المهم تحليلي لشخصية الرجال من قراءاتي لتحليل الشخصيات:
الرجل بأي شخصية كانت يحب العطاء واظهار النخوة والمساعدة لأي “انثى” طبعا الأغلبية والباقي اتوقع انهم لازم ينكتبون في كتاب الجاحظ “البخلاء”
والرجل بدون اي استثناء يحب انه يكون صاحب الفضل وهالشي يخليه يفتخر بنفسه وايد جدام نفسه وجدام الناس بعد حتى لو أخذ موظفة وهي تصرف ع البيت بيسير يدور على وحدة يظهر لها انه يقدر يعطيها ويستمتع بهالعطاء ولو كانت وحدة “اي كلام” ومرات الزوج يجرح زوجته ويقولها انتي مب محتاية اهلج يعطونج والا تشتغلين لكن فلانة مسكينة ما عندها حد ، تكسر خاطرهم الحرمة اللي “تحتاج” لهم او اتبين حاجتها حتى لو كانت مادية ! او حتى في الدوام تلاقينه يعطي من خاطره لأي شخص او “شخصة ” محتاجة شرح لاي شي في الدوام
” محتاجة شرح لاي شي في الدوام وانتهى حديثي مع خواتي ان لا تصرفون على رياييلكم عشااااان يحسون انكم محتاجين لهم ويستمتعون بشعور المعطي ” لان اللي يعطي يوم يشوف فرحة المعطى يتضاعف عنده شعور السعادة ” طبعا هذا اللي نفوسهم سخية – أما البخلاء فبدون تعليق 
ومن يوومها ونا آخذ معاي غرشة الماي في السيارة وماااشي نزلة لواحة أدنوك
واسمحولنا تراها ثرثرة وسوالف عادية بس قد يكون فيها متعة حديث مع الأحباب
.
.
اختكم المحبة لكم ســــارية
بس الواحد يتم فالسليم ويتصرف مثل ماتصرفتي !!
ماداني هالمواقف و وايد انحرج منها
مرة صار لأختي وانا وياها سحبت عمري وشردت السيارة >_<
عمي من النوع الي ذكرتيه
يسسسستمتع بـ شعور المعطي !!
و وايد يستانس يوم أطلب شي منه
يعني أقوله ييب لي شي يستانس كأني عطيته شي لول
ابوية مب بخيل ابد !!
لكن عادي عنده
مافي ري آكشن مثل عمي .. يعني بارد نوعاً ما ..
ممتع ــة أبلة سـاريـه
ربي يحفظج و يحفظ لج الماما ..
stranger is danger lyrics
تذكرت موقف صارلي من فتره ووانا طالع من العين لابوظبي وبدرب وقفت على واحة ادنوك وشتريت ماعرف شو طلع الحسب شي بسيط بس الخرده ماسدن فعطيت الفلبيني 500 درهم قالي مافي خرده قلتله ياربي شو اسوي والله يا ان واحد من الشباب لا اعرفه ولا يعرفني حاسب عني قلتله لا والله برد اللي عندي قالي والله ماترمس!!!!
مب شرط اللي يدفع ويكون كريم يكون يتباهى جدام البني والحريم!!!!
بس بصراحه هذا اللي مسوي عمره كريم مع البنات اعتبره وقح يعني مفروووض مايرمس ويقول خلي عنج وانا بدفع وانا وانا مفروووض يحطج جدام الامر الواقع ويدفع عنج بالقوه ويقول ماعندنا بنات يدفعن جدام الريااااايييل!!!!!! خخخخخخخخ
بس سؤال الوالده تعرف بالموضوع اللي صارلج ؟؟
صحيح البعض قال أحسنوا الظن . .ولكن مثل ما قال البعض الآخر تصرفج عين العقل!
وفي نظري، المفروض على أي شخص أن يهتم بشؤونه الخاصه وينتظر دوره دون
النظر إلى مشترياتك أو سماع ما يدور بينك وبين العامل . .
صحيح ربما ليس بيدك الحيلة سوى الاستماع للحوار إذا ما كان الصوت مرتفع،
ولكن كان على الشاب أن يتدخل إذا رأى شخص قد تورط بموقف
وليس له بقية المبلغ . . فـ هنا يمكنه المبادرة . .
ربما فعلاً أنا بحاجة إلى (الخردة!) لكي استخدمها في مكان آخر . .
بالنسبة لي أنا في غنى عن هذه المواقف وفي الحقيقة اجدها محرجة . .
وبالرغم من ذلك سنحسن الظن بهذا الشاب . .
راح اقولج موقف صار جدامي كنت في مخبز من مخابز بوظبي انزين عند المحاسب جدامي كان ريال وخلفه حرمتين وحليلة الريال كان يدفع ..اسمع الحرمتين ايقولون ادفع عننا بليز ..وضحكات من نيه ومن هناك والشيله طايحة والحال ……. بس ماشاء الله الريال طلع كفؤ وقالهم لحظة راح اخلي الحرمة تدفع عنكم تراها في السيارة. اهني حسيتهم اصطلبوا
هذالموقف كان من اغب المواقف الي شفته لهالدرجة المصاخة ..
شو رايج في تصرف الريال؟
__________________