السلام عليكم ورحمة الله وبركاته
اخواني بغيت معلوماتكم عن الدوام في ادنوك .
ولد اخوي خريج ثانوية صناعية (دبلوم بريطاني) المهم قبلوه في ادنوك والحين على وشك الدوام .
بغيت اعرف كيف الدوام وكم الرواتب و وين بيكون دوامهم وهل بالامكان يكمل الدراسة .
ومقر الدوام ….. الخ . يعني كل معلومة اكيد بتفيدنا .
وبالضبط عن شركات جاسكو وزادكو و ادكو التابعة لشركة ادنوك .
هم قالوا له اول ست شهور دراسة للتخصص اللي هو فيه. وبيكون راتبه 8
وعقب الست شهور 24 واسبوع باسبوع . انزين وعقب ؟؟؟؟؟
بغيت خبرتكم وشوركم .
ومشكورين مقدما .
حتى لو كانت هذه الجهة الحكومية هي وزارة أتحادية ؟
لأني اللي أعرفه أن الوزارات الإتحادية ما تطبق نظام الراتب الشامل …..
يعني علاوة بدل السكن موجودة على عكس الجيش والشرطة
اكييد اذا كان ريلها يشتغل في مكان حكومي ويمكن اكثر بعد على حسب درجتها الوظيفية
إذا وحدة تشتغل في أدنوك …
صدق يقطعون عنها 10 الآف بدل السكن عنها إذا عرست ؟
أتمنى حد يجاوبني على سؤالي ….
اول شيء بيودن اوراقة لاحدى شركات ادنوك والشركات الرئيسية هي أدما ادكو جاسكو زادكو وفي شركات ثانية لكن اصغر !
بيتصلون فيه من احدى الشركات يمكن أدكو ولا أدما وهم بعد المقابلة بيحددون طبيعة عمله وفي الغالب بيكون فني ويعمل في احد الحقول اما البحرية او البرية والدوام اما اسبوعين واسبوعين اجازة واما شهر بشهر, طبيعة العمل لازم يتحملها لانها صعبة في الحقل ومب اي واحد يقدر يصبر لازم يكون هالشيء في باله قبل لايداوم …
وتبغي نصيحتي اذا الظروف المادية طيبة الحين وعمره بعده صغير خله يكمل دراسته الجامعية ويدرس هندسة بما انه دارس ثانوي صناعي ولو قدم في ادنوك بعدين بيكون راتبه ما يقل عن الستين الف درهم ويمكن يطرشونه برع في دورات تدريبية وبيكون رئيس في عمله وليس مرؤوس ….. لاينسى الاستخاره
والله يوفقكم جميعا
لو كنت أعرف بساعدك لكن ماعرفش حاااجه