السلام عليكم يانواخذة المنتدى والسموحه على القصور موضوعي اليوم هو موضوع عن سمجه كل من في البحر يتمنى يصيدهل لو مره ويتمتع بشوفها وهي ضاربه عنده بالخيط او بطعم المجبوس اللذيذ المهم سمكة خيل البحر او المارليين من اسرع واقوى السمك في البحر وتاكل العومه والحواقبل والسلس والجش والدردمان وحتى النغر ( الحبار) وان كل سنه من شهر 11 الى شهر 2 اصيد من 8 الى 10 خيل البحر طريقة اللفاح او رمي البويه العوامه وهي الطريقه الانجح وتصيد مش خيل البحر بس حتى ولد الولد والجش والحواقيل والجنعد والسجل بس يبالها صبر والمهم ان جبت بعض من الصور عن مجموع صيد سابق من فتره طويله واتركم مع الصور ، والسنه هذي بتكون خيل البحر وصورها مازره المنتدى
ماشاء الله اكييد ان الخييط استوتله دخنه من السحب
والله خاطريه اصييد نفس هالسمكه
صراحه شي تكفي شوفتهاا في البحر
تسلم على الصور
يا نوخذه
هذي صورة البلاك مارلين black marlin
هذي صورة البلو مارلين blue marlin
مرحبا شباب
هذي السمكه من انواع المارلين وتسمى سمكة الشراع.اما المارلين الي موجود في عمان ولي يسمونه بلاك مارلين ولي يوصل وزنه من 400 كيلو -800 كيلو والبلو مارلين يوصل وزنه من 100 كيلو -300 كيلو وهذي سمكه مهاجره يعني لها موسمين في السنه في عمان مره وهي مسافره الى الميط الهندي ومره وهي راجعه الى المياه البارده ومحبين صيد هذي السمكه ياخذون تصاريح قبل فتره طويله وتتحرك يخوت الصيد من دبي الى ولاية صور العمانيه ويكون التشخيط على الفيش فايندر عند جزيرة مصيره.وتقبلو مروري وشكرا
أخي العزيز الذيب .. أولا أنا مجرب متعة صيد هذه السمكة مرتين من أمتع المرات في حياتي بالذات عندما تقفز عاليا في الهواء و عندما تصل الى تحت الطراد و امسك سيفها الخشن
ولكن عزيزي لي ملحوظة هذه ليست المارلين الجميلة
المارلين أكبر و أقوى و زعنفتها الظهرية تشبه زعنفة القرش و ليست كالشراع ..
وأرجو أن تتقبل مروري
والله انك فنان وحريف .. اعتقد ان صيدها فيه متعه وخاصه والخيط ماسكه في ايدك .. انا مابعمري صدتها .. بس مجرد احساس ان صيدها متعه..
تحياتي لك