شو سالفتهن؟؟
مب كفايه الرادارت الثابته في البلاد؟؟
والله حاله .. بنقول يخشونها ورا سياره ولا عمود ليت .. بس مب ورا الحاجز مال عمال الشوارع …
ولا تمشي 100 في شارع 80 .. 700 درهم .. انا مستغرب من ال 200 ولا 100 درهم هاي لل 10 كم.س
ماصارت يعني .. 4 رادارت عادي مصكوك 3000 درهم.. شو ها؟؟ بنقول فوق سرعه الرادار ب 50 اب 700..
مب 10 ولا 20 ..
مرات الشوارع خاليه.. شو المانع تمشي 100 ولا 110؟؟ ليش لهلدرجه مسرع؟؟
ابصط مثل شارع الورقاء .. دومه خالي .. حاطين رادار 90 ..
يفكونا ويسون ضرائب ولا يصرقونا جي .. مب حاله..
انا مب مشكله عندي البيزات بس حرام يعني .. الهندي مثل شو يسوي اذا زخه رادار؟؟ وراتبه ما ايي 2000؟؟؟
مساكم الله بالخير جميعا
موضوع حلو
بس اخي العزيز
شوف حالات الدهس في الامارات والخليج العربي بشكل عام ….. من المسؤول عن الارواح التي تزهق؟
عدد الوفيات من جراء السرعة الزائدة والقيادة بطيش وتهور …. من المسؤول
عدد المعوقين … الايتام … الارامل ….. الثكالى
كل هذا بسبب الطيش من اناس لا يوجد لديهم ظمير ولا اخلاق ولا دين
من يعوض الام في ابنها … في بنتها … الطفل في امه أو ابيه
هل تعتقد ان خسارة 1000 درهم خساره …أم أن خسارة الروح هي الخساره
اخي العزيز بدل ان تتهم من يحاول أن يقلل من عدد حوادث السير بكل هذه الاتهامات
لماذا لا تتهم من يقود بسرعة ال180 وال 280 بالمجرم والنذل لانه عرض حياة الاخرين للخطر
يا اخي اللي يبي يموت يروح ويرمي نفسه من فوق بنايه ويفك الخلق من شره
بس تموت وتقتل وياك الناس …. لاااا … وألف لا
الفارق من دبي الى العين بسرعة 200 – 100 من 18 دقيقه الى 23 دقيقه
بالله عليك هذا فارق يستاهل انك تجتل الناس على شانه
لا والله
واقول شو فايدة الرادار اذا الانسان بيساير عنده واذا تخطاه لعن السياره لعان ؟؟؟!!!!!!!!!
اخوي
اتقي الله في نفسك وليتقي كل واحد منكم الله في نفسه
ارواح الناس هب لعبه
والله العظيم عوايل ادمرن بسبب السرعه
والسموحه على المغثه
اصلا الامارات بكبرها ملغمه بالرادارااات .!!!
الله يعيينا والله
خايفين على سلامتنا يقولون ومايبونا نسرع ويدفعون عشان ما نسرع
ههه
بس صراحه فالنهايه
معنه خساره
اقول المفروض بس يكون الرادار بنفس سرعه الثابت
عشان محد يسرع والله الحوادث تكثر يوم عن يوم
الله يحفظ الجميع ان شاء الله
نعم هذا اللى نريد نفهمه
يتفنن الشرطي في دس الرادار
و يبتكار طرق جديده كل يوم
و فكرة الضريبة جيده
و يسمونها ضريبة هالك على وزن سالك
خلها على الله ياريال ,, البارحه مصورني واحد فـ نفس المكان اللي تطريه ..
السالفه واضحه ,, و هي ماديه 100% ..
لو انهم صدق خايفين ع الارواح .. يحطون رادارات ثابته شو المشكله ..
ترا محد بيسرع ..
اما ان الشرطي يجلب حراامي ,, و ينخش لي ورا الحاجز ,, و يحط لي راداره ..
هذي صدق مصخره ..