شو سالفتهن؟؟
مب كفايه الرادارت الثابته في البلاد؟؟
والله حاله .. بنقول يخشونها ورا سياره ولا عمود ليت .. بس مب ورا الحاجز مال عمال الشوارع …
ولا تمشي 100 في شارع 80 .. 700 درهم .. انا مستغرب من ال 200 ولا 100 درهم هاي لل 10 كم.س
ماصارت يعني .. 4 رادارت عادي مصكوك 3000 درهم.. شو ها؟؟ بنقول فوق سرعه الرادار ب 50 اب 700..
مب 10 ولا 20 ..
مرات الشوارع خاليه.. شو المانع تمشي 100 ولا 110؟؟ ليش لهلدرجه مسرع؟؟
ابصط مثل شارع الورقاء .. دومه خالي .. حاطين رادار 90 ..
يفكونا ويسون ضرائب ولا يصرقونا جي .. مب حاله..
انا مب مشكله عندي البيزات بس حرام يعني .. الهندي مثل شو يسوي اذا زخه رادار؟؟ وراتبه ما ايي 2000؟؟؟
غير…
الله المستعـــــــــــان..
بيني وبينكم السالفه فلوس صح
بس يوم شفت البلدان الاوربيه مثل لندن وهالسوالف
يعني يشجعون على النقل الجماعي واعتقد هذي خطه
انه الناس الهاي هاي بس اللي يركبون سيارات وطايرات
اما الهاي وتحته نقل جماعي ههههههه
وانا اقولكم ترى بعدكم ماشفتو شي
القادم ألعن وألعن واتحدى اي احد يفكر يتمشى ههههههه
كثافه سكانيه على صغر المساحه ألف خطه بتطلع عشان الناس ماتسوي زحمه فوق هالزحمه
وانشاء الله يحلون هالزحمه وعوار الراس ويعدمون اللي مايعرفون يسوقون علنااا
تمشي سيده وماتدري الا واحد لف عليك ولا مسك بريك في ويهك
ماتعرف شو تسوي فيه
الا تدعي عليه بالخير وانت ماشي ^_^
والله انا مستغرب اللي يصير بدبي !!
مع كل هذه الرادرات ، وهنالك حوادث مميته !!
شو سبب ؟؟
طيش ، عدم إحترام قواعد المرور ، عدم التقيد بسرعه ، عدم الإنتباه ، عدم وجود ذوق في سواقه !!
اللي يقول ليش وليش ، في غيرك يسرع لحب سرعه ويا كثرهم لهشيء حطوا رادارات مب عشانك لا عشانهم .
وهم قاعدين يحمونك منهم
اخوي شكلك ما اتعرف تحسب
شو اتكلم انته ؟ شو 5 مليون ولا 10 مليون
انته تتكلم عن ما لا يقل عن 1 مليار درهم سنويا قيمة المخالفات
الله يهديك بس
{اللهم صلي وسلم على سيدنا محمد صلى الله عليه وسلم }