السلام عليكم
معروف عن الرادرات اذا سرعة الشارع 120 يظبطك 141 واذ سرعة الشارع 100 يظبطك على 121 يعني يعطونك فرق 20 بس عدة مرات في الشارقه بالذات ظرب الفلاش وصورني وسرعتي 117 وسرعة الظبط مفروض 121 يوم كلمت الشرطي قال يمكن الرادار خربان حلوه هاي واحنا ندفع ! حد حصل معاه هذا الشي ؟ وعداد سيارتي مظبوط جربته مع جهاز جي بي اس يعني سرعة السياره 117 بالظبط وتواير وكاله . ولم يحصل معي هذا الشي مع رادارات دبي .
اخوي الرادار المتحرك على شارع المطار يزخ على 110 والثابت 121 ها عن تجربه الله يعيينك
على شارع الوحده مصورني الجهاز بمخالفه 600 درهم
و الحمد لله لا اسرع
بدليل سنتين كاملتين والحمد لله لم اتخالف مخالفة رادار واحده
رغم اني اقود السياره في مختلف طرق الإمارات
اما رادار الشارقه عجيب امره
والله المستعان
لا اله الا الله محمد رسول الله
القهر انك تخطف على شارع مايسوى بيسه و مكسر و فيه رقوق مب حفر عادي تحط توصيله و تسحب ماي
و في النهايه يشخطك رادار بـــ 900 درهم 
غير انك بتصلح السيارة و تواير و بوشات و عادي ينطر الكرنكيس لو في الرود لاباس …. و الشارع ما يسوى 20 درهم. لو فارشين رمله جان احسن
والله لاعبين فينا لعبه بالرادارات …المشكله يوم يغيرون السرعات ونحن ما ندري … يقولون نحنا نزلنا اعلان بالجرايد واعلنا بالإذاعه..انزين انا شو ذنبي يوم اني ما اقرا الجريده ولا اسمع الإذاعه…بدل الأعلان بالإذاعه والجرايد يزودون من اللوايح..وخلاص يغيرون النظام بلا عشره ولا عشرين زياده خلاص السرعه الي بالشارع مكتوبه هي تصور وخلاص يفكونا من الصدعه..انا الأسبووع الي طاف رايح الغربيه والسرعه تغيرت من 160 الي 140 وانا امثبت على 160 ما ادري كم رادار صورني…ياريت يريحون الخلق ويلغون قانون الزياده وكم مايكون مكتوب بالشارع يصور الرادار ..
السلام عليكم
في رادارت بالشارقة تصور على 10 كيلو زيادة مثل شارع المطار انا صورني على 111 كيلومتر
انصدمت انو يمسك على 10 كيلو لما راجعت الشرطي قالي ترا عادي في رادارات تصور على 10 و في على 20 زيادة
مثل عجمان شارع الزهراة 100 بس يمسك على 111