السلام عليكم
معروف عن الرادرات اذا سرعة الشارع 120 يظبطك 141 واذ سرعة الشارع 100 يظبطك على 121 يعني يعطونك فرق 20 بس عدة مرات في الشارقه بالذات ظرب الفلاش وصورني وسرعتي 117 وسرعة الظبط مفروض 121 يوم كلمت الشرطي قال يمكن الرادار خربان حلوه هاي واحنا ندفع ! حد حصل معاه هذا الشي ؟ وعداد سيارتي مظبوط جربته مع جهاز جي بي اس يعني سرعة السياره 117 بالظبط وتواير وكاله . ولم يحصل معي هذا الشي مع رادارات دبي .
مع إحترامي للأخوان، لكني أشوف كلامهم غلط بخصوص شارع المطار.
أنا أمر على شارع المطار (من دوار الكتاب الى التقاطع الخامس) يوميا أكثر من 10 مرات، و بسيايير مختلفه. حافظ أماكن
الرادارات المتحركه و الثابته كلها. دايما أمر عليه و سرعتي 115، ولا مره صوّرني الرادر. إلا المره اللي تكلّمت عنها و واضح
إن الرادار صوّرني بالغلط و ما نزلت المخالفه في ملفي.
يمكن ضبط الرادار يكون غلط في شارع ثاني، لكن شارع المطار،،،،، إسمحولي كلامكم غلط.
اختي ما بتحصلينها ع الموقع الألكتروني المشكله ما يحطنونها يوم تراجعينهم تنصدمين راجعي مرور الشارقه بيطلعولك كشف ماله اول من اخر . خاصه اذا سيارتك رقم اماره اخرى ما بتحصلينها في موقع شرطة دبي مثلا يطلعلك لا توجد مخالفات لأن المعلومات ما تترحل لموقع دبي الا بعد مرور شهور .
انا ما اعرف ليش احس كل رادارات الشارجه خربانه
السرعه كاتبين ع اللوحه 60 او 80 و انا من زمان سامعه انه كل رادارات الشارجه اتزخ عقب 91
انا اسوق 100 ما يزخني الرادار ما ادري يمكن ع حظي يكون خربان
حتى ع شارع المطار هو 100 و يعطون 20 زياده بس انا اسوق مرات ع 140 و مرات زياده ما يزخني
اجيك ع المخالفات في الموقع مافي مخالفه الحمدالله
حتى جددت الملكيه والليسن بعد مافي الحمدالله
يمكن سيارتي مركبه مخفي عن الرادار هههههههه
الحمدالله مانبا المخالفات
بس انا اسوق ع كيفي لاني ما عرفتلهم كل مره كلام
والله يا طويل العمر ..
مره بالذيد زخني الرادار .. عمااني بفلاااش بالويه متحرك ..
بس المخالفه ما نزلت .. كنت تحت ال120 و الرادار يزخ 121 ..
فما نزلت المخالفه
و مره …
شارع المدام .. و انا رايح العين .. زخني الراداار .. الضبط 121 و زخني ع قرابة الـ 140
نزلت المخالفه لوووك .!!!!
يوم راجعتهم .. قلت كييف و لييش و ما يصير و و و ..
قالوا لي فالك طيب و السموحه .. من لوك لـ 500 درهم .. و اللي هي قيمة المخالفه الاصليه
فنصيييحه راااجعهم و جووف كم سارع .. لان مراات يوم تنحط المخالفات بالسستم .. يكون فيها اغلاااط
فرااجعهم على رادااار رااداااار .. و جوف كيف السرعااات …
و الله يبعدنا عن هالمخاالفاااات
مع تمنيااتي لكم بقياادة آمنة و قانوونية .. بعيدا عن المخالفاات ههههه
الله يسلمك شكرا لمروركم
بس احترنا وياهم كل مكان القانون فرق 20 ليش هم يخدعونا المفروض يحطون لوحات انه في الشارقه الظبط نفس المكتوب ع اللوحات الناس بتعرف والله فقرونا مبالغ كبيره وما يطرشون مسج تتراكم المخالفات وانته غافل .