الرباط الصليبي الأمامي acl

9 thoughts on “الرباط الصليبي الأمامي acl”

1. السلام عليكم اخوي

   الرباط الصليبي اصابه خطيره للركبه و عدم علاجها يقد يكون له اثار سلبيه في المستقبل

   اولا في فرق بين تمزق في الرباط و بين قطع في الرباط ..التمزق في حالات كثيره لا يحتاج الى تدخل جراحي اما القطع في الرباط يحتاج الى عمليه جراحيه و الا ما راح تقدر تلعب كوره او اي رياضه فيها قوة و تحتاج الى سرعه

   الرباط الصليبي انواع في الجانبي و في في الوتر و في المقطعي اللي هو اخطر نوع حيث يحتاج الى جراحه في اسرع و قت ..

   انا اقترح انك تروح تراجع اي دكتور من دكاترة الانديه اللي عندهم خبره كبيره بالنسبه لاصابات الركب و هم بينظرون هل تحتاج الى جراحه او مجرد جلسات التراساوند ..

   و نصيحتي ..اذا عندك قطع في الرباط اعمل عمليه حتى لو كنت تحس انك اوكي
   و اذا عندك تمزق عليك بالعلاج الطبيعي

   و هم شي تسويه اللحين تحط ثلج لمدة ربع ساعه على الركبه مرتين في اليوم

   و بالسلامه

2. مرحبا اخوي

   ربيعي قالوله لازم تسوي علاج طبيعي عشان تقوي عضله الرجل الي بيسوي فيها العمليه

   و ان شاءالله العمليه في شهر 1

   و الريال يحب يلعب كوووره تعرف كل واحد و هوايته

   نعم يا رياال لا تتكدر

   امووورك طيبه الحمدلله

   انا ركبتي فيها مسمارين و الرجل فيها 8 مسامير و العضله متيبسه بسبب الكلس الي اختلط فيها بعد الحادث

   و الحمدلله الامور طيبه اسوي رياضه (ركض او قياده السيكل او المشي) و لا حتى افكر فيها ,, شده و بتزول ان شاءالله

   الا كوره القدم مالي حايه فيها من قبل ما اسوي الحادث اصلا ما تستهويني لعبه كره القدم هههه

3. شكرا اخي الحبيب … وبارك الله فيك على الكلام الطيب …. بشرنا شو صار ويا ربيعك … واذا فيه اي تطورات ولا لا ؟
   بالنسبة لي الحين قاعد اسوي العلاج الطبيعي عند الامريكي … وقالولي لازم تخلص العلاج الطبيعي قبل كل شي وترد الركبة مثل ماكانت …. اقدر اثنيها واحركها وامشي عليها بس الورم البسيط اللي باقي … مايخليني اثنيها كامل … بس بمشيئة الله بقدر قريب … بالعلاج الطبيعي ان شاء الله …. وسبحان الله قبل كم من يوم قعدت ويا ريال قالي بلاك ياخي جيه زعلان ومتكدر … قلت له القصة … قالي اقولك انته لو اقولك شي يمكن ماتصدق وراح تنبسط اكثر … قلت له شو … قال انا عندي الرباطين الصليبيين الاماميين للركبتين رايحين … والغضروف شالينه من ركبة بعد … وعايش الحمدلله بس اهم شي ما اركض … لان ما راح اقدر …. وصار له اكثر من 23 سنه بدون اربطه امامية للركبتين … ويصلي وعادي ومرتاح والحين عمره قريب الخميسينات … يعني الحمدلله بشر ربيعك لايستعيل … الا اذا كان يبا يرد للرياضة والكورة بسرعه … بس انا الحمدلله خلاص اقتنعت قناعه تاااااامه ومن خاااطر ماشي كورة نهائيا ان شاء الله تعالى

   تحياتي لك ولربيعك …. خبرني شو يسوي ربيعك وشو علومه ومتى يته الاصابة

   مع السلامة

4. وعليكم السلام ورحمة الله وبركاته

   مرحبا اخوي

   بخصوص الدكتور الطرابيشي ,,, انا شخصيا مسوي عمليه عنده للركبه ,, كنت ما اقدر اثنيها بالمره

   يعني اصلي و انا قاعد او جالس على كرسي

   (بسبب حادث سياره) الله يحفظنا و يحفظكم من شر الحوادث

   و قبل عمليه الطرابيشي كنت مسوي عمليه للركبه في المانيا بسبب الكسور الي فيها

   بس الحمدلله بعد العمليه في المستشفى الامريكي ,, و العلاج الطبيعي ,,و الرياضه ,, رجعت الركبه مثل قبل ,, طبيعيه بنسبه 95% تقريبا

   مع اني مراجع في مستشفى في ابوظبي قبل ما اسير صوب الطرابيشي و قالي الدكتور ,, ركبتك يابسه ,, انته اتأخرت ما سويت الها عمليه ,, (يا ريال بس 3 سنوات مرن من سويت الها اول عمليه) اوين ما منها فايده خلاص

   الحمد و الشكر لله

   بس بخصوص الرباط الصليبي ما عندي علم

   واحد من ربعي نفس الحاله ,, لازم يسوي عمليه للرباط الصليبي ,, بيسويها في الامريكي يمكن الشهر الياي

   بس اذا الدكتور رعد القبيسي يعالج بدون جراحه بخبر ربيعي عشان يراجع عنده

   الله يشافيك و يشافي كل مصاب و مريض

Comments are closed.