فينا قضيـة رعـب والرعـب كابـوس
رعـب المـرى وارهابهـا يـا نشامـه
عنـدي مـن الواقـع حكايـات ودروس
من رجل حـر و وسـط بيتـه نعامـه
ميمون لا والله علـى صـوص دقـوس
ديكـور رجـل وينتـسـب للزعـامـه
يعني اذا خاب الرجـا صـار متعـوس
اصحـون هالمطبـخ وكيـس القمامـه
ارجالنـا صـاروا خرافيـن وتـيـوس
و وظيفـة التلقـيـح اكـبـر عـلامـه
وبخصوص هالحرمه ترى اشبع بها بوس
لا يغـرك البـرّاق وسـط الجهـامـه
عداك كـل العيـب لاتناطـح الـروس
اص يا رجـل مالـك ومـال الشهامـه
ترى الردى عار ٍ علـى كـل منحـوس
وعقب الردي ياثويـر مـا مـن ملامـه
ما قلت لك ريّـس ولا قلـت مريـوس
لازم تعـرف ان للـرجـال القـوامـه
اقلّهـا ضيفـك توريـيـه محـسـوس
عيـبـا ً تخـبـا دايـمـا ً يالفـدامـه
يخاف تحرمه المـرى بعـض الفلـوس
وامـن المغيـرب تربطـه بالبجـامـه
وتطحن له السمسم وتزرع لـه السـوس
وتجني على عمـره وتخـرْب نظامـه
واليا تفلسف تحلـق الشـارب ابمـوس
تنهـزرت بـه كـن مـالـه كـرامـه
كرامته تمسـح بهـا الارض واتـدوس
يـدنـق آذانــه وينـسـى مـقـامـه
يبش في وجـه ٍ بـه الحقـد متـروس
وده يـزل فيـك ابهـبـات الرخـامـه
فيـه العقـد انـواع والحـال ميئـوس
كنـه علـى بـاب الزرايـب اردامـه
اليـا سمعنـي يبلـع الريـق محـروس
خايـف اكـدر عيشتـه مـع حـلامـه
مصمم الازياء
لاهنت يبعدي
والله هذا حال الكثير الا من رحم
والقضيه توازن علاقات والقوه الذكوريه والانثويه
.
.
.
كلمات في الصميم، صح لسانك الشايش