الزواج من أجنبيات ( غير المواطنات ) .. نقااآآآش

79 thoughts on “الزواج من أجنبيات ( غير المواطنات ) .. نقااآآآش”

1. بالنسبة للي يتكلم على المواطنااات حلوات ولا خسفااات

   تراهن في الاخير ملحكو لي خستووو

   وماينكر اصله الا قليل الاصل

2. انته وايد واثق من ويهك الحين بس اموت واعرف انته فبيتكم شو تطبخوون كباب وتكه وتوست ماجنك تاكل سمج ودياي ..

   وعن الجمال لا دخيلك البنات بيموتن من جمالك بيطيحن ولا تصدق جمالك يعق الطير من السما

   وعن المتن ترى يوم الحرمه تربي وتيبلكم سند وذخر مايعيبكم 9 شهور تحمل وتتعب وتعاني ويوم تربي تكون بين الحياة والموت ما تفتكرون فكل هذا بس يت على المتن ماجنه كرشتكم للركب طايحه

   مابكتب زياده اعصابي احترقت

   اتمنى انه الموضوع ينغلق لأنه في ناس ردودهم الصراحه تقهر ماجنه عندهم خوات وامهات

   الموضوع كان للنقاش وتقليل المشكله مب تعيبون وتنتقدون بنت بلادكم ؟؟؟

   مادري شو خليتو حق الغرب اذا انتو شبابنا جي تقولون

   

   ليش الزعل يا اختي
   الموضوع للنقاش فقط و كل وشخص يبدي راية وهذا راي انا فا بدون زعل
   الجمل جمال اجنبي فقط بدون مكياج و هل شي معروف
   وكلامي منطقي
   على العموم لا تزعلون يا مواطنات

3. الله يصلحكم ويهديكم اخواني
   بنت الدار احلى بوايد من الأجنبية بس لو اتكون على طبيعتها الربانية بدون ما تلطخ ويهها بهالمكياااج والكلام الفاضي
   وتم بنت عرب فيها الحشمه الزينه والحياء والأيمان صدقوني البعض من بنات الدار شوهن بصورتهن قدام الشباب الذي
   يبحث على بنت تستره ويسترها ويبغي الحشمه والتي في هالزمن انعدمت الا من رحم ربي هذا رأيي اختي ومن واقع تجربه
   وياريت اختي دامج منزله موضوع للنقاش نتطرق لحل للمشكلة مو داخلين بحرب من البداية وتعيبون على بعض
   وتخلون الغريب يتفرج عليكم ويشمت فيكم المفروض اتشوفون أين تكمن القضية التي طرحت من قبل الأخت لكي نطلع بالنهاية بحلول جذريه وتفيد الطرفين ..
   والسموحه على هالطوله اخواني ..

   
   صدقت يا اخوي في كلامك و انا معاك في كل كلمه
   هالموضوع طرح عشان نسمع ارآء ايجابيه
   مب للشماته و انه اتعيبون على بعض

   و الاختلاف في الرأي لايفسد في الود قضيه

   و ان شاء الله برد اعلق على كل رد السموحه منكم

4. صراحة يا شباب اللي ما يعرف يرمس ويعلق لا يعلق احسن يعني قلة ادب وقلة احترام خاصة اللي يعلقوا على المواطنين اونه حلو ومب حلو شو انا بسوي فيديو كليب ولا بمثل في فلم !! اونه المواطن مب حلو شوف المنطق يعني الزواج للحلوين بس هههههه

   ثاني شي من وين يايب النسبة شو سويت احصائية ولا كيف وانت ريال ليش يالس تتمعن في الرياييل هههههههه والله امرك غريب

   المواطن ريال والنعم فيه عن عشر رياييل من المكان اللي تعلق منه العقليات الغريبة هذي والحمد لله

   واذا مو مصدق ****** ولا اقلك ما بكمل لاني ابي المنفعة تعم والحوار يستمر

   الاماراتي والاماراتية الكل يشهدلهم في كل مكان نعم الرجولة ونعم الاخلاق والحمد لله

   واذا حد يبي يعلق لو سمحتوا يركز على الموضوع الرئيسي ويحط رأيه باسلوب حضاري لا يجرح الاخرين عشان ماحد يغلط على الثاني

   وشكرا

5. اذا الواحد عليه ديووووووووون الدنيا وراتبه اقل عن عشرين الف

   وما عنده سكن ويبا يتزوج لاكن ما عنده فلوس صندوق الزاواج ما يعطيه لانه راتبه اكثر عن 15 الف

   واهله يبون يختارون وحده علي كيفهم ويبون عرس ويبون ويبون واهل الحرمه يبون ويبون

   من وين انجيب فلوس نضرب سلفية ثانيه يعني ولا ششو انسوي بالضبط

   وصل عمرنا 25 وما عندنا شي غير هل السلفيه

   كل شي غالي غالي

   شو انسوي بالله عليكم

   صح انه غلطنا وضربنا سلفيه وخربنا الفلوس بس الواحد موب معصوم عن الغلط

   انا اقول انه اكيد المواطنه احسن مليون مرة عن غير المواطنات

   لا تنسون تربية الاولاد اهم شي الدين الخلق العادات والتقاليد

   لاكن ما باليد حيله

   اقل شي الزواج بيكلف 150 الف علي البراد اقل شي يعني

   وما شي سكن بعد

   خلوها علي الله

Comments are closed.