الزواج من أجنبيات ( غير المواطنات ) .. نقااآآآش

79 thoughts on “الزواج من أجنبيات ( غير المواطنات ) .. نقااآآآش”

1. إلى الأخت أم مايد, فديت راسج لا تزعلين و لا تتضايقين , في ناس ما عندهم سالفة داخلين بس يتشمتون و يطلعون و لو هذي الفئة يقيسون كلامهم على أخواتهم و أمهاتهم كان المنطق بيلعب دور و الدنيا بتتغير 1000000000000%

   ما زال هناك ناس يقولون ان الزواج من أجنبية (غير مواطنة) مصلحة و لحظي , يا جماعة ما تحسون ان الكلام هذا غير منطقي؟

   يعني بالله عليكم انتوا ما تعرفون في البلاد العربية المطلقة كيف تعامل, ما اريد افتح موضوع ثاني و لكن الكل يعرف بأن المطلقة صعب أنها تسيير امورها مثل يوم تكون متزوجة…

   هناك ردود رائعة مثل رد أخي (مصمم أزياء إماراتي), رد و النعم فيه, الواحد قبل لا يقول عادات و تقاليد إلخ… من الكلام اللي ما أشتريه بفلس, الواحد المفروض يقول دين و حسن خلق و عقب يجي موضوع العادات و ما شابه ذلك …

   الحين بالله عليكم, كل البنات المواطنات يعرفن عادات و تقاليد الدولة ؟؟؟؟؟؟؟ مع إحترامي لأخواتي المواطنات و لكن الجيل الجديد معظمه و أكرر (معظمه) جاهل في الأمور هذي لأن التحضر و العولمة أكلت راسهم , مثال (بلاك بيري), (دريويل ياخذني و يجيبني), (عبايات مخصرة و ألوان صاخبة), طبعاً ما رح ننسى الجنس الخشن و اللي هم الرجال و الأمثال كثر و واحد منهم شفته قبل كم يوم في الخالدية مول ( شاب مواطن مسوي شعره آفرو (يعني جنة ضارب كهربة) و حاط مصاصة في شعره ) , الحين بالله عليكم هذا منظر مواطن الوطن يفتخر فيه و لا هذا منظر مواطنة الوطن يفتخر فيها !!!!!!!!

   في قوم من الجنسين والله الوطن مهما سوالهم يكون مقصر في حقهم لأن في ناس بنت أجيال و هذا اللي كان يتمناه أبونا بوخليفة (طيب الله ثراه) , أعتذر في حال تطرقي لمواضيع أخرى و لكن في النهاية المغزى واحد …

   أنا يالنسبة لي مواصفات المرأة المطلوبة للزواج هي:

   1 – تخاف الله في نفسها و في عيالها و زوجها

   2 – تبي الستر فقط

   3 – توقف مع زوجها في السراء و الضراء

   4 – تحاول تمتص غضب الرجل التي تحدث من ضغوطات الحياة

   5 – تربي العيال و تخليهم على أحسن خلق و إحترام

   هذي المواصفات وفروها و ان شاء الله تكون من جزر القمر ما عندي مانع لأن رب العالمين يوم قالوا “تزاوجوا”, ما قال أجنبيات و لا من عيال بلدك لأن في الكلام هذا عنصرية…. الله يوفق الجميع فيما تحبونه و الله يستر على بنات أمّة محمد و يهديهم و كذلك الأمر للرجال….

   ملاحظة: أرجو من الأخوة قبل لا يحط رد يفكر للحظة بس ( هل ردي بيأثر على واحد من أهلي يعني بالعربي الفصيح ) مثل ما ترضى الشغلة على نفسك ارضاها على غيرك و كذلك الأمر بالعكس …..

   و آسف على الاطالة…

   تحياتي للجميع

   أبو عيسى

2. ردي ووجهة نظري بتكون بقصيده (( على فكره القصيده موب لي ))

   والله لو جابو ا جميع المزايين ……..

   ……..من الخليج من اليمن وارض لبنـــــــان

   والقاهرة مع ليبيا ما تكفــــــين ……..

   ……..ودمشق والمغرب وتونـــس وعمـــــــان

   وبنت الجزائر والعراق وفلسطين ……..

   …….وبنات افريقيا وبنجلادش والافغــــــــان

   واسلام اباد وهندها والفلبيــــــن ……..

   …….. وبنات جاكرتا مع الترك وايـــــــــــران

   والبوسنة مع كوريا وبنت برلين ……..

   ………وبنت البرازيل وفرنسا والالمـــــــــــان

   وبنات واشنطن ولندن وبكيـــــــن ……..

   ……… وبنت السوفيت واوربا واليابـــــــــــان

   ولو اجمعوهن قدام عيني ملايين ……..

   …….. ولو خيروني كلهن عندي ما لهن شان

   يا جعلهن فدوة لمدعوجة العين ……..

   ……….اللي خذت قلبي لها القلب ولهــــــــــــان

   يا سائل عن دار محبوبتي وين ……..

   …………ترى وطنها موطني عز الاوطــان

   بنات دار ما غيرهن .. تاخذ اجنبيه باكر يطلع ولدك عيونه خضر وشعره اصفر وشنبه برتقالي ويقولك لازم نكون فحريه خخخخخخخخخ

   والي يقول ديون وفلوس وخخساير

   ارد عليه بهل قصيده

   يشتاق شوقي لرجال ماطاليق .. شوق الحبيب لى تمنى حبيبه
   كنوز رجال ولا كنوز صناديق .. المال يفنى ونشاما تجيبه

   بعدين الحمدلله اشوف الحال احسن عن قبل ناس يا كثرهم الي ما يدرون غير رجل الكفو وستر

   ادعوووووووووووووووووووووووووووووووووووولي اني اعرس قريب والفال لكم ان شالله

3. :

   :

   :

   المسألة مو مسألة جنسية

   يوم اني اماراتي

   انا قبلها عربي

   وقبل ماكون عربي

   انا مسلم

   وين هويتنا الاسلامية العربية الاماراتية

   يوم بلقى وحدة مسلمة عربية اماراتية ذيج الساعة بتزوج ولين ما ألقاها مشروع الزواج مؤجل حتى إشعار آخر

   ولا تنسون

   اكرر و اقول

   المسألة مو مسألة جنسية

   الأخلاق و الدين مالها جنسية محددة، هذي أمور تكون في صميم الشخصية الإنسانية

4. وااو نايس توبيك

   صادف اليوم انه زميلي وهو مواطن موظف في التنمية يخبرني انهم كانوا في مؤتمر .. ويـــــــــن انعقد ؟؟؟؟
   في تقنية دبي للبنــــــــــــــات …كان تعليقه بعد ما طلع من الكلية ( لو واحد كان يفكر يعرس و دش الكلية… 90 % بيغض النظر عن موضوع الزواج ) !!!!!!!!!!
   يقول بنات من عمر 18 الى 24 …ليش كاشخات في عز النهار و في حرم جامعي ؟
   يقولي شفت الوان و بهرجة جني في سيرك …و من كل 10 وحدة بس اللي هيئتها و تصرفاتها محتشمة..
   ما عرفت ارد و تميت ساكتة

   انا وحدة ما الوم الشباب و كلهم كتبوا اسبابهم و كلامهم واقعي ..

   تعليقا على كلام الاخ المحال…يقول الزواج من اجنبيات لحظي..
   اقولك انا شخصيا اعرف عوائل .. الامهات من بلاد عربية ( سوريات و مصريات ) و اجنبيات ( رومانية و هندية و غيره) عايشين في استقرار و عيالهم في مراحل الثانوية..

   برأيي ,,الزواج اختيار شخصي.. و العاطفة تلعب دور كبير.. الارتياح و الانسجام ما يعرف حاجز الجنسية و الاصل
   وايد سمعنا عيال تجار و هوامير تزوجوا غير مواطنات ..شو يعني يبغي يوفر مهر و هو يملك ابراج ؟؟

   و الاجنبية تحديدا… الامريكية مثلا اذا تزوجت مواطن يعني طمعانه في جنسيته ؟؟

   اريد اقول مب كل زواج اساسه الطمع في المال و الجنسية ..و لا توفير في المهر و تكاليف العرس..
   الزواج مب مشروع تجاري..نحكم فيه العقل و بس.. لا الزواج تآلف بين قلبين و انسجام بين عقليتين..
   و اللي يتكلم عن الاجيال و التركيبة…اقوله سير المدارس و شوف الطلاب الي من اب و ام مواطنين ..
   مب كلهم اخلاقهم عالية و متفوقين و عايشين في بيوت مثالية ,,
   الشين و الزين في كل مكان..

   و اللي انتقد جمال المواطنة و شكلها عقب العرس اقوله ..انتوا الرياييل شي منكم تراب الدنيا ما تترس عيونه
   لاني شايفة بعيني حريم و امهات ملكات جمال و رشيقات بس تعيسات مع ازواج مهملين.
   ارد و اقول الزواج حرية شخصيـــــــــــــــة

5. الوافده من تاخذ الجواز ع اقل كلمه طلقني وتفتعل المشاكل

   لاتفه الاسباب وتضرب بوز عند اقل كلمه يعني بالعربي تدور

   سبب !! نصيحه ابتعدوا عن الزواج من اجنبيات !!!

   وما يحك ظهرك الا ظفرك ……….

Comments are closed.