السلام عليكم
شحالكم 
موضوعي اليوم يرمس عن قضية تهم كل شاب وهو الزواج ,وبدون شك العائق الكبير الذي يواجهه البعض هو غلاء المهور والتكاليف العالية من سكن اذاث وزهبة وطبعا الديون ,, فراح البعض ممن لا يخاف الله وسار يرابع بنات ويعيش معهم عيشة الازواج ويفضلها على بنت البلاد وتأثر بجمالها على حساب دينها اللي هو اول شيء لازم يفكر فيه ,, في الغرب هناك المئات وربما الالاف من الفتيات اللي اسلموا وتموا في بلاد الغرب بروحهم , واذكر واحد من الشباب سار فلندا ويوم كان في المسيد شاف فلنديات ييوا المسيد يسألون اذا حد يبا يتقدم لهم ,, الموضوع مب موضوع جنس او حب او ما شابه , الموضوع فكرة اتمنى مناقشتها بدون تعصب او حساسية ,, هل فتح مكتب زواج بالتعاون مع المراكز الاسلاميةللمسلمين الجدد في الخارج ومب (شرط اروربا ) للراغبين بالزواج منهم في الدولة بيقلل من العزوبية وخصوصا انه مهورهم مب بذاك الزود وهل هذا بياثر على نسبة العنوسة في الدولة ؟ ……… توضيح غرضي الحقيقي انه اللي يخاف على عمره من الزنا لكثرة الفتن يكون عنده حل يناسبه
العنوان الزواج من اوروبيات و الموضوع فنلندا و روسيا
فلندا وروسيا مب من اروربا ؟؟
المهم
القضية مب انه اختي او اختك تتزوج بمقابل زواجك من جنسية غير الاماراتية
الريال له الكلمة والمبادرة وغلط انك تقارنه بالبنت ,, البنت مالها الا شور ابوها ,, اما الريال ياخذ له وحدة من بلاده او برع البلاد هنتين ثلاث اربع مباح له ,, فهمت ^__^
وعلى العموم الظاهر اني دست على طرف (لبعض الاعضاء) يوم طريت موضوع الزواج من اجنبيات وكان قصدي ووضحت اكثر من مرة انه يكون بديل بالحلال للي ما يروم على التكاليف ,, لكن البعض شاادين حيلهم ومب واقعيين شرات binsef وراعي فعايل ، الموضوع كان فكرة والبعض حاط لي افتراضات عن الطلاق وضياع الابناء ,وكانه اللي ياخذ بنت البلاد انه موول ما بيطلق ولا بيسوي مشاكل كانه عنده مناعة ,,
العنوان الزواج من اوروبيات و الموضوع فنلندا و روسيا
المهم اذا انت ترضى اختك تتزوج روسي مسلم ولا فنلندي مسلم يا اخي روح اتزوج روسيه مسلمه او فنلنديه شو بتسوي بعد
لا تزعل انت تسال و نحن نجيب بس المشكله ان بنت البلاد اكيد لازم تاخذ اماراتي او حت من مجلس التعاون عشان اهلها يطمنون عليها
نعـــــــــــــــــــــــــــــــــم
للتــــــــــــــــــــــــــــعدد
ra3y_f3ayl
كلاامك حكم والله
اسلوب ورد محترم ومقنع وانا معاك في كل كلمه قلتهاا
عن نفسي مب مستعد افر 250 الف على عرس
صدق مثل ماقالو في البلاك بيري ويهج يطل على البحر هههه
اولا الحكومة مش مقصرة
70 الف من صندوق الزواج
قاعات تكاد تكون مجانا
ممكن الشخص يسكن في بيت اهله ومن ثم ياسس نفسه إن لم يكن فجهة عمله توفر له مسكن أن امكن … ولا يستاجر .
المشكله فينا نحن نغلي البنات وهن اغلى مهورا عن زوجات وبنات الرسول صلى الله عليه وسلم ….
والطامه الاهل ( المعرس والعروس ) يبغون فنادق فخمة و فستان مبلغ وقدره … ونوعية مميزة من الاكل … وكيك ابو 16 طابق والبذخ ….
انا مع الزواج من الاماراتيات ولكن بشرط ( اللي ما يخلي الريال يدين وبعدين تتطيح في جبد العروسه )
نعمـ ..
الحكومه هب مقصـرة ..
بس أخوي .. ترى الـ 70 ألـف.. لـ اللي راتبه ما يـزيد عن الـ 15 ألــف درهمـ إماراتــي..
والقاعات .. نعم شبه مجانــيه .. بس الخدمات هـي اللي غاليـه .. يعني الاكل والذباح والكراسي والخ ..
ونعم الواحد بيسكن بيت هله .. بس كم بيتمـ ..
يعني بعد بـ المنطق.. أنا عندي ولد ولا ولدين ويكبرون ويتمون معاي بـ نفس الغرفة ..
وبعدين الواحد يضيق من الضيق .. وجهة العمل مب شرط انها توفر سكن ولو وفرت .. ما أظن انه سعر السكن بيكون من سعر البدل .. أكيد أغلـى ..
والله الحيـاة صعبه … بس الواحد ما يقول غير الحمدلله على كل حال..