السلام عليكم
شحالكم 
موضوعي اليوم يرمس عن قضية تهم كل شاب وهو الزواج ,وبدون شك العائق الكبير الذي يواجهه البعض هو غلاء المهور والتكاليف العالية من سكن اذاث وزهبة وطبعا الديون ,, فراح البعض ممن لا يخاف الله وسار يرابع بنات ويعيش معهم عيشة الازواج ويفضلها على بنت البلاد وتأثر بجمالها على حساب دينها اللي هو اول شيء لازم يفكر فيه ,, في الغرب هناك المئات وربما الالاف من الفتيات اللي اسلموا وتموا في بلاد الغرب بروحهم , واذكر واحد من الشباب سار فلندا ويوم كان في المسيد شاف فلنديات ييوا المسيد يسألون اذا حد يبا يتقدم لهم ,, الموضوع مب موضوع جنس او حب او ما شابه , الموضوع فكرة اتمنى مناقشتها بدون تعصب او حساسية ,, هل فتح مكتب زواج بالتعاون مع المراكز الاسلاميةللمسلمين الجدد في الخارج ومب (شرط اروربا ) للراغبين بالزواج منهم في الدولة بيقلل من العزوبية وخصوصا انه مهورهم مب بذاك الزود وهل هذا بياثر على نسبة العنوسة في الدولة ؟ ……… توضيح غرضي الحقيقي انه اللي يخاف على عمره من الزنا لكثرة الفتن يكون عنده حل يناسبه
اي واحد يعرف رقم خطابة تخطب لـــــــ( أجنبيات أو عربيات ) أرجو أن يراسلني على الخاص عنبوه خاطب ثلاث مرات حسبت المخاسير طلعت 150 ألف… راتبي 9 ألاف منها للأجار وخصم للسيارة…… 150 لزواج من وين أييبها !!!!!!!!
السلام عليكم
معقول ما حد في الدوله بيزوج بنته بمهر قليل وانكم معشر الشباب ضاقت بكم السبل
لايجاد الزوجه المناسبه اللي ما بتخليه يطيح في الديون والمخاسر وما لا طاقة له عليه
انا اقول كذاب واعيدها كذاب اللي يقول أو يلمح لها الكلآم.
أنا أعرف رجال مستعده تحط من مخابيها وما تفكر في المغالآة في المهور رغم عدم انكاري
لوجود الفئة الثانية التي تتاجر في بناتها وتطلب لبن العصفور .
أما المصيبة ان أغلب الشباب يريد ان يتزوج ببلآش أو بأقل الخسائر ( أقصد التكاليف )واذا حب يشتري
سياره يدورعلى أفخم وأغلى السيارات واذا حب يبسط نفسه سافر الى أحدى الدول الأوروبية ليصرف بدون حساب
وهناك نوع جديد من الشباب النوع الانتهازي أو الطفيلي أو !!!!!!!!!!!!! لآ أستطيع أن اجد له اسم يعبر عنه
هذا النوع يدور على الحرمه اللي تدفع له جزء من راتبها الشهري وهذا يكون شرط لاتمام الزواج أو تكملة أقساط سيارته
يحسب البنات بيموتن اذا ما انقذها من العنوسه وهو ما يسوى ظفرها، لا شهادة ولآ أخلاق ولا دين .(بدون مواصفات )
اما الزواج من أوروبيات لآ (تدين) ولآ عادات ولا تقاليد الآ من رحم ربي وبعد سنه او أقل بتمل من العيشه معاك
لأنها ما تتحمل عاداتنا ومحافظتنا على القيم والأخلآق اللى تربينا عليها من غيره وحشمه وادب وعفه وبتطلب
العوده لبلدها علشان تعيش على راحتها وبعد مده تسمع الشباب على البرامج التلفزيونيه يتباكون حرمتي سارت
بلادها واخذت وياها بنتي وانا خايف وانا وانا وبعد كم سنه بينسى الموضوع وبنته بتتربى على الفساد والعلاقات المحرمه
في بلاد ما فيها لا دين ولا اخلاق ولا شرف حتى.
يا شباب بنات العرب المسلمات صاحبات الدين والعفه أفظل بكثير لتربية أبناءكم وبناتكم ( الأم مدرسه اذا اعددتها
أعددت شعبا طيب الأعراق )
فقم باختيار أم أولادك لتشرفهم بها مستقبلا ويفتخرون بأخوالهم أمام الناس .( تخيروا لنطفكم فان العرق دساس )
والسلام عليكم
اخوي انت دخلت في صلب الموضوع لكن يمكن الاسلوب خشن شوي. نعم اذا الريال تزوج اوروبية مسلمة توقع ان في يوم من الايام اخته او اخت اي شخص ممكن تتزوج من هذي الجنسية واذا مب الاخت ممكن بنته تعجب بابن خالها وتتزوجه وهذا شي طبيعي.
الجواب على هذا السؤال مهم جدا واذا انت ما ترضاها على اهلك احسنلك ما تدخل في متاهات انت مب قدها
على فكرة وين هاملي والرب الله تعجبه ها المواضيع
المواطنة هي الاولي بدون اي شك
اول شيء الواحد يستر على نفسه وعلى بنت بلاده
ثانيا الاولاد ما بيعانون من التمييز عقب ما يحتكون بغيرهم
ثالثا الراحة النفسية والتفاهم امبينهم
وايد اسباب الصراحة لكن العوق من اولياء امور بعض البنات اللي يبا الريال يدفع ويدفع ويدفع ,, ياجماعة الخير الحين الدين اللي يأخذه الوحد بيتم يدفعه الى ما يكبر ولده ويمكن الين ما يحدر الصف الاول او الثاني وهو يدفع ,, هذا اذا قرر انه يتحمل الغلاء والظروف اللي حوله وتجدم للبنت ,, لكن اذا ما رام على المصاريف وكنسل ام السالفة شو يسوي ؟؟ البعض للاسف يسير ياخذله موتر من الوكالة سلف ب 200 الف او 300 او حتى 400 على الراتب ويقول الموتر متى ما بغيت ابيعه ببيعه لكن اذا صرفت البيزات على الحرمة منو بيردها لي ؟؟ شو من تفكير عليك ! انت الحين بنيت لك بيت واسرة وصرت مسؤول والموتر ها اللي ترمس عنه يمكن يستويله شيء او ينسرق وتخسر كل شيء ,, دورلك على عروس بمهر طيب واذا ما لقيت خذلك وحدة تعفك عن الحرام لكن اما اني اخذ بنت البلاد واذا ما لقيت اتم جيه بدون زواج ؟! هذي فيها تضييق على الواحد ,,!
يمكن هاي حالة من عشرين الف حالة
انتي ترضين تسوين شرات ربيعتج
تعرسين بدون حفلة
طبعا لا لازم سفر و كوشة و و و و و و
الواحد ليش يدفع 300الف لمواطنة و ياليت على شي يستاهل شوفي بنات برع كيف حلوات و دلوعات مب كيلو مكياج في الويه
الى يبي يشوف المواطنة على حقيقتها عليكم برمضان