السلام عليكم
شحالكم 
موضوعي اليوم يرمس عن قضية تهم كل شاب وهو الزواج ,وبدون شك العائق الكبير الذي يواجهه البعض هو غلاء المهور والتكاليف العالية من سكن اذاث وزهبة وطبعا الديون ,, فراح البعض ممن لا يخاف الله وسار يرابع بنات ويعيش معهم عيشة الازواج ويفضلها على بنت البلاد وتأثر بجمالها على حساب دينها اللي هو اول شيء لازم يفكر فيه ,, في الغرب هناك المئات وربما الالاف من الفتيات اللي اسلموا وتموا في بلاد الغرب بروحهم , واذكر واحد من الشباب سار فلندا ويوم كان في المسيد شاف فلنديات ييوا المسيد يسألون اذا حد يبا يتقدم لهم ,, الموضوع مب موضوع جنس او حب او ما شابه , الموضوع فكرة اتمنى مناقشتها بدون تعصب او حساسية ,, هل فتح مكتب زواج بالتعاون مع المراكز الاسلاميةللمسلمين الجدد في الخارج ومب (شرط اروربا ) للراغبين بالزواج منهم في الدولة بيقلل من العزوبية وخصوصا انه مهورهم مب بذاك الزود وهل هذا بياثر على نسبة العنوسة في الدولة ؟ ……… توضيح غرضي الحقيقي انه اللي يخاف على عمره من الزنا لكثرة الفتن يكون عنده حل يناسبه
نعم انا مع الزواج من فنلنديه او روسيه حتى للأسف اللى يتكلمون يحسسونا اننا في المجتمع المثالي وانه المواطنه
بتصون عيالي ومابخسر عليها المهر ياحرررررررام وايد المواطنه مثاليه شكلكم ماتسيرون المولات وتشوفون المواطنات كيف
يلبسون او كيف صارت اخلاقهم ونسبه كبيره منهم لاتعرف شي فالزواج ولا عندها مسؤوليه لتحمل الزواج وماعندها ثقافه زوجيه
هذا جزء من ردّك
إقرأه جيداً وستعرف لماذا حُذف
إخواني القرّاء : هل مثل هذه الردود تليق ؟؟؟
هل حذفها يُعتبر تكميماً للأفواه ؟؟؟
انا كتبت رد ياجماعه مادري ليش المشرف انحذف الله يستر سياسه تكميم الافواه والحذف والمسح حتى بالمنتدى
خلو عندكم جرأه لمناقشه والشفافيه والصراحه في النقاش ولا الردود الصريحه ماتعيبكم
قال تعالى : فانكحوا ما طاب لكم من النساء
كل واحد وهواهـ لا تخلف ولا شي العنوان واضح اجنبيه مسلمه والرسول عليه السلام قال بما معناه زواج الغرباء افضل من الاقارب
المهم كل واحد وحر برايه واختياره اذا كان صح فتوفيق من الله واذا غلط هو اللي بيطيح ع راسه
انا اعرف وايد عوايل ناس عرب وقبايل يزوجون بناتهم بمهور بسيطه واهم شي يكون الريال اخلاق ودين ومايهمهم البذخ والفشخره …………. ومب كل المواطنات او العوايل يطلبون مهر وايد او يكلفون عالزوج فوق طاقته .. المشكله ان الشباب الحين يدورون عالجمال ويتركون الاخلاق والدين والادب . طبعا ما اقصد ان الجمال مب مهم انا اقصد ان يوم يسألون عن البنت حلوه ولا خسفه يسألون عن اخلاقها ودينها وادبها وكيف هي تعامل والديها ، لان اذا عاملت امها وابوها بقلة ادب اكيد يوم بتتزوج بتعامل زوجها بنفس الاسلوب .. اسفه عالاطاله حسيت اني قلبت الموضوع لموضوع ثاني ( خخخخخ فن التعامل مع الاخرين ) بس هذا واقع دوم نشوفه والاحترام والادب مع الزوج من اسباب دوام الحياه الزوجيه .. واتمنى الشباب يحسنون الاختيار من البدايه واذا خطب بنيه اهلها يطلبون مهر وايد ويكلفون عليه فوق طاقته مافيها شي لو يعتذر لهم ويكنسل الموضوع ويشوف له بنيه غيرها مره ومرتين وثلاثه .
(وكل طائر يقع على شاكلته)
خلو الي يتزوج ينزوج وفكونا من هالسالفه
صار موضوع زواج الناس سالفه يتكلمون فيها
الي يبا يعرس يعرس والي يبا يعنس يعنس وخلصنا