السلام عليكم
شحالكم 
موضوعي اليوم يرمس عن قضية تهم كل شاب وهو الزواج ,وبدون شك العائق الكبير الذي يواجهه البعض هو غلاء المهور والتكاليف العالية من سكن اذاث وزهبة وطبعا الديون ,, فراح البعض ممن لا يخاف الله وسار يرابع بنات ويعيش معهم عيشة الازواج ويفضلها على بنت البلاد وتأثر بجمالها على حساب دينها اللي هو اول شيء لازم يفكر فيه ,, في الغرب هناك المئات وربما الالاف من الفتيات اللي اسلموا وتموا في بلاد الغرب بروحهم , واذكر واحد من الشباب سار فلندا ويوم كان في المسيد شاف فلنديات ييوا المسيد يسألون اذا حد يبا يتقدم لهم ,, الموضوع مب موضوع جنس او حب او ما شابه , الموضوع فكرة اتمنى مناقشتها بدون تعصب او حساسية ,, هل فتح مكتب زواج بالتعاون مع المراكز الاسلاميةللمسلمين الجدد في الخارج ومب (شرط اروربا ) للراغبين بالزواج منهم في الدولة بيقلل من العزوبية وخصوصا انه مهورهم مب بذاك الزود وهل هذا بياثر على نسبة العنوسة في الدولة ؟ ……… توضيح غرضي الحقيقي انه اللي يخاف على عمره من الزنا لكثرة الفتن يكون عنده حل يناسبه
وبدأ يتحول من الإستفسار إلى محاولة إقناع الأخذ بوجهة نظر ………… !
في الأخير لكل منا رأي و وجهة نظر
و
الرأي الأخير لمصلحة الوطن
لكم الودّ والورد
فـ مصلحة الوطن أهم بكثير من المصلحة الشخصية
انزين اخت زهرة الريف يعني تنصحين الواحد انه يتم على حاله سنتين و3 ويمكن اربع الين ما يأخذ له مواطنه بهالشروط ؟
اوكي اذا مرن على 2 و3 ما حصل شوي بيسوي ؟
ما بيعرس وبيتم عزوبي ؟ مب مكتوب في القرآن انه الواحد غصب ياخذ من بنت بلاده ,, ما رام على المصاريف يروح يأخذله وحده تعفه عن الحرام ومني ييجمع جم من بيزة الين ما يعرس بمواطنه لكن يتم عزوبي والفتن تدور براسه من اللي يشوفه كل يوم ,, انا ما ادري هل انتوا تتصورون اني كاتب الموضوع عسب انتقص من المواطنات ! الظاهر البعض فاخميني غلط !! انا كاتب الموضوع من الحرة اللي فيني على شباب البلاد ؟؟ كم مرة شفت واحد ينزل بنت قدام فدق وهي 100% تشتغل في الدعارة ,, وكم وكم ,, اخواتي الشباب الحين وبكل صراحة عقب البلاك بيري ضاع جيل كامل من المراهقين ,, في امور يمكن ما تعرفونها ,, الحين اليهالوه قوم طعش استووا خبراء في هالسوالف وكله من البلاك بيري ,, فاذا ما يسرنا الزواج ولو من غير المواطنة فكيف بيقاوم الواحد كل هالاغراءات !!
لا كن اذا قلت اله مسلمه وادور علي الحلال شل بعمره وشرد (موطنه او عربيه او اجنبيه )
مرحبا اخوي رحال
اسمحليه اخويه التعميم مب صحيح يمكن شفت بعضهم يشرد وما يبا وحدة مسلمة وهو غلطان بدون شك لكن مب كل واحد ينطبق عليه نفس الوصف ,, وانا قلت فكرت الموضوع اكثر عن مرة هو انه الاجنبية ((المسلمة) تكون الحل الوحيد النهائي اذا ما رام على المصاريف وما يحط نفسه امام عاصفة الاغراءات والشهوات وهو يروم يستر عمره ,,