ما اعرف من وين ابداء بس بقول لكم الي صار لي اليوم.., رحت مع ربيعي ع اساس نشتري عطور من باريس غاليري في المارينا مول ابوظبي عقب قلنا بنروح نلعب بولينج الموهيم رحنا عند الريسبشن عسب نلعب الا و اشوف الحرمة الي ماسكة الريسبشن اطالعني بنظرة غريبة عجيبة قلتها (what ) !!! قالت لي بكل سخرية و استهزاء ممنوع دخول الي لابسين كنادير للبولينج !!! لوول اهني ويهي استوى ازرق و اصفر قلتها لها (what ) !!!!؟؟قالت هالقانون ممنوع لازم جينز و قميص او لبس رياضة ..!؟
قلت لها اقولج هاللبس لبس وطني و لبس اهل الامارات و بعدين انا في الامارات مب بلبنان و لا فرنسا ..! قالت لي بكل سخرية هالقانون قلت لها وين مديركم ..؟ اتصلت للمدير جان ييني واحد زلمة و يقول لي شو المشكلة ..!؟ قلت له المشكلة ان هااي اتقول ممنوع ادخل العب بولينج لان ممنوع دخول الي لابس كنادير ..؟! قال هي ممنوع بس الي لابس جينز و لا لابس رياضة ..!؟ قلت له اقولك احينة انا ياي العب بولينج و لا ياي ديسكو عسب ارقص ..!؟ قال لي هذا القانون و روح غير هالكندورة و تعال العب ..!؟؟ لو حد منكم كان في مكاني شو بيسوي ..؟ او شو بيقول..؟
انا للاسف انسان مسالم و صح اني اعصب بس للاسف اعصب داخليا ..
سؤال يسدح نفسة احينة شو الحل يعني خلااص ما البس كنادير …؟
ياخوي طريقة كلامهم مالها دخل بالاحترام
بس منطقي بروح العب بولينج بملابس رياضيه مب بكندوره و وزار
ياخي شفت حد من لاعبين منتخبنا الوطني يلعب بكندوره ؟؟
ونفس الشي هني للبولينج
بس هم ما عرفوا يوضحوا الفكره .. قلة خبره فيهم
اذا كنت ناوي ادش البولينغ
يس
اها يعني المرة الياية ادش مارينا مول و انا لابس جينز ..!؟ و لا لبس رياضة ..؟
فعلا في الرياضه الاحس انك تلبس لبس الرياضه
تستمتع في اللعب وفي نفس الوقت اامن لك
بدال ما تدربح جدام الناس وللا تشوف الوزار ساير ويا الكووره
السلام عليكم
لو كنت من بدالك جان طلعت من المكان ولا اهتميت