ما اعرف من وين ابداء بس بقول لكم الي صار لي اليوم.., رحت مع ربيعي ع اساس نشتري عطور من باريس غاليري في المارينا مول ابوظبي عقب قلنا بنروح نلعب بولينج الموهيم رحنا عند الريسبشن عسب نلعب الا و اشوف الحرمة الي ماسكة الريسبشن اطالعني بنظرة غريبة عجيبة قلتها (what ) !!! قالت لي بكل سخرية و استهزاء ممنوع دخول الي لابسين كنادير للبولينج !!! لوول اهني ويهي استوى ازرق و اصفر قلتها لها (what ) !!!!؟؟قالت هالقانون ممنوع لازم جينز و قميص او لبس رياضة ..!؟
قلت لها اقولج هاللبس لبس وطني و لبس اهل الامارات و بعدين انا في الامارات مب بلبنان و لا فرنسا ..! قالت لي بكل سخرية هالقانون قلت لها وين مديركم ..؟ اتصلت للمدير جان ييني واحد زلمة و يقول لي شو المشكلة ..!؟ قلت له المشكلة ان هااي اتقول ممنوع ادخل العب بولينج لان ممنوع دخول الي لابس كنادير ..؟! قال هي ممنوع بس الي لابس جينز و لا لابس رياضة ..!؟ قلت له اقولك احينة انا ياي العب بولينج و لا ياي ديسكو عسب ارقص ..!؟ قال لي هذا القانون و روح غير هالكندورة و تعال العب ..!؟؟ لو حد منكم كان في مكاني شو بيسوي ..؟ او شو بيقول..؟
انا للاسف انسان مسالم و صح اني اعصب بس للاسف اعصب داخليا ..
سؤال يسدح نفسة احينة شو الحل يعني خلااص ما البس كنادير …؟
اخوي ليش ما كلمت اداره المول ….لانه اللبس حريه شخصيه..واذا صدق عشان السلامه المفروض يقولك…
يا أخواني هذا بولينغ مب حديد ولا ركوب خيل ولا سباحة
يعني عادي شو الضرر اللي بيصير فيه من يوم مادخل البولينغ عندنا نلعبها بالكنادير ولليوم بس اللي في المارينا أونهم عاد يبون برستيج وحركات عشان يقولون هذا شي راقي
الحين المواطنين كلهم يقدرون يستوون راقيين يعني الواحد يقدر يسوي أي شي والمجال مفتوح
بس لازم يعرفون الناس إنه احترام الزي الوطني واجب والبولينغ تراه شو يبالها جوتي وفر كورة وبس أهم شي الجوتي عشان الواحد مايزلق
شو دخل الحديد ولا ركوب خيل في الموضوع
خلاص بنلبس بنطلون تحت الكندورة واذا بنلعب بنرفع الكندورة بيستوي بنطلون وقميص وهنيه بنشوف نوايا هذيلا الناس
استهبال مايحتاي
وشكله غلط وهو يلعب كندورة تفكيرك الصراحة يبالها اعادة برمجة هذي كندورة مب واحد لابس مايوه سباحة ويلعب بولينغ
في بعض صالات التزلج تمنع التزلج بالكندوره .. و هذا الإجراء صحيح و سليم ….
الرياضه أو الهوايه الي كنت ناوي تمارسها لا تصلح بالكندوره … و ماله داعي تخلط الوطنيه بالكندوره …. هم ما منعوك من لبس الكندوره … لاكن منعوك من ممارسة الرياضه بالكندوره …
و بعدين أصلآ شكله الواحد غلط و هو يلعب بولنج ولابس كندوره ..
اخوي مافي داعي للوطنيه الزايده في هالمواضيع ..
يعني بالعقل باجر حد يبا يلعب حديد ولا يركب خيل يقول بلبس كندور ؟
” اللبس الوطني ” و .؟؟؟؟
ما يصير الله يهديك ^_^
و اسمحلنا عاد
البولينج اللي في المارينا مول الوحيد اللي يرفض الكندورة
الامارات مول في دبي عادي و بعد في راس الخيمة و العين عادي بس صعبة الواحد يتعني و يسيير المارينا مول بس عشان يلعب بولينج انا ما اعرف احوط برياضه ولا بجينز