السلام عليكم و رحمة الله و بركاته
البارحة حصـل لي مـوقف رائــع في فندق الاجانب ” أطلانطس ” اذا كتبت اسمه صح ،،، صراحة الي استوى خلاني احترم هذا المدير المواطن إلي ما يفرق بين لا مواطن ولا أجنبي ولا يعني له الأجنبي شي إلا ” زبون ” حاله حال غيره ..
الموقف و مافيه ، إن كنت طالع مع عائلتي الموقرة إلى جزيرة النخلة و اليهـال حشـروني يبون يسيرون يسبحون في المنتجع المائي ..
طيب ، دخلنا باركن الفندق و شفنا التفصيخ الاجانب قلنا اوكي مافي مشكلة الجو حر …
ركبنا الباص و قدامنا الاجنبي ” مايكل ” مع زوجته ” فرانسيسكا ” يتبادلون القبل أجل لو متغدين مندي الله يستر شو بصير … غطيت عيون عيالي و قلت لهم عـــــــــــــــــــــــيب عليكم انتو ما في بيتكم ولا بلادكم احترمو الي يالسين في الباص يهال و انا طول الرحلة الي استغرقت 5 دقايق من الباركن للفندق مغطي عيون عيالي عن يشوفون ” قذارة ” الاجانب الله ياخذهم.
ما حصلت غير قالو عني ” cut it off ” حسبني ما اعرف انجليزي عطيته من هالرمسة الصح من بعد ما طلعت العيون الحمرا و بالصريخ احترمو الدني.
عالعموم وصلنا الفندق … خطفت علينا ” لونا ” الشقراء ذات الخصال الذهبية بملابسها ذات القطعتين تتجول في فندق ” اطلانطس ” و الأمن و السيكيوريتي يتبادلون النظرات إمعاناً بها و كنايةً عن ” إعجابهم ” بلباسها الذي أطلق العنان لجمالها بالنسبة لهم ..
طيب مافي مشكلة ،،، نحن يايين نستانس نسكت عن ” المصخرة ” المستوية في هالمكان و أودي عيالي للحديقة المائية ..
كانت الساعة تشير إلى 3.45 ، أي الثالثة و 45 دقيقة يعني باقي ربع ساعة و يستوي سعر الدخول 50% دسكاونت ..
رحت للكاونتر و قلت أبا 5 تذاكر حق عيالي الصغارية ، قال لي الريال اتريه لو تبا و بتحصل دسكاونت 50% من بعد ساعة 4 قلت اوكي …
و من دون سابق انذار ، باغتنا الأجنبي ” مايكل ” و زوجته بملابسهم الفاضحة و ” القبل الساخنة ” التي لا أكاد اجزم ان بعضها كانت ” فرنسية ” و راحو للكاونتر ..
و قالو نبا تذكرة ، حصلو ابتسامة و ترحيب حاااااااااار 
و قال لهم الريال بالكاونتر نفس الكلام ، بعد ربع ساعة دسكاونت
قالو نبا الحين دسكاونت ، نحن ســـائحــون
قالهم ، ما يمشي هالكلام … و ارتفعت حرارة ” مايكل ” و طلب المدير عشان يكلمه ،،
و حضر المدير المواطن الذي كان يغلب عليه اللباس الوطني .. و بيني و بينكم أول مواااااااااااااااطن أشوفه في هالفندق بالغترة و العقال تدرون ؟
قالو له ، يالطيب ، نحن سياح و يايين نستمتع ببلادكم الحلوة بس هالمعاملة السيئة ليش … ؟
قالهم : انا اعتذر عن ما بدر ،،، وش تبون ؟
قالو : الموظف الي يشتغل عندك ما يبا يعطينا ” دسكاونت ” الي بعد ربع ساعة الآن … نحن سياح عطنا الدسكاونت ما تشوفنا.
قال : لو سمحتم ، انتظرو ربع ساعة حالكم حال غيركم الي واقفين هناك ترى أنا ما يهمني من تكونون و انت اين انتم
و ردو عليه و ســوالهم أحلى طآآآآآآآآآآآآآآآف
صراحة على طول سرت للمدير و سلمت عليه و هنأته على هالموقف ،،،
الريال غصبته اعزمه على الغدا باجر صراحة ونسني على هالشي .. أبداً ما توقعت أنه بيتصرف هالتصرف 
بسم الله الرحمن الرحيم ..للاسف الانسان لازم يعاني مع البعض الى ان يصلوا الى درجة الرقي و القدرة على التواصل مع الاخرين.
اولا انته بنفسك قلت اني ادافع عن الموقف و هذا معناه اني لم اذمك او اغلط عليك شخصيا انما كان ردي على الموقف نفسه و ليس على شخصك.
اما عن زيارتي للاماكم هذي فثق تماما اني اعرفها تماما و و زرتها و شفتها و مللتها و لكن الفرق بيني و بينك اني لا اعمل دعايات للزيارات هذي لانها بالنسبة لي امر عادي جدا و اي شخص يريد يروح هالاماكن او احسن منها فالباب مفتوح للجميع و ليس لي لوحدي . هذا طبعا للناس لي عايشين و شايفين خير في حياتهم.
اما الاخروين الذين يكتبون مواضيع فارغة لا تسمن و لا تغني من جوع فقط لانهم يظنون انهم زارو المريخ وغيرهم ا لايعرفون هذه الاماكن و لا يستطيعون زيارتها هم الذين يقومون بتلفيق قصص و روايات فقط حتى يعرف الجميع انهم قد زاروا اتلانتس…لا الومك ..قد تكون معتقدا ان اتلانتس هذا هو اتلانتس الاسطورة القديمة….!!
رولكس
مشكلة الغريزة الحيوانية لما تطغى وما يصير فيها تحكم ..
وهاذيل عافانا الله مثل البهايم يمكن البهايم أبرك ويتسترون
من وجهة نظري ان هالمواطن صاحب موقف بطولي ..
وخصوصا أن الأجانب لهم وزن وثقل في بلادنا ويحسبون لهم ألف حساب
وتصرفه عجبني لأنه مع هالجدال وفارق الوقت البسيط كان ممكن يتجنب طول الجدال
ويدخلهم ويخلص عمره من الحشرة ..
أما ان نودي عيالنا ولا ما نوديهم نحن يحق لنا نسير أي مكان في بلادنا
من أقصاها لأقصاها وغيرنا عليه انه يحترم حرمة هالبلاد ويحترم عادات وتقاليد البلد
باستثناء الأماكن اللي ما تتسمى وما تنطرى ..
الحمد لله شبابنا فيهم البركة ..
وش فرقو عن الحيوانات الله عزنا عنهم ولا هم نفس الحيوانات تشوفهم كل واحد معى وحده
لا انعدم الحيا وصار كل شي يصير قدامك عادي
مافرق عزك الله عن الحمار ويا الحماره خخخخخخخخخخخخخخخخخخخخخخخ
الله يستر
عجبني كلام ارباب وانا معاه مفروض سوالك انته الخصم لانك من ابناء البلد
ملاحظه لاتقارن نفسك بل الوافد هذا وافد وهذي البلد بلدك لو صار فيها شي محد بيدافع عنها غيرك
وغير مواطنيها الوافد اول طياره وبيشرد لبلده حتا المقمين فيها
محد يبي الموت لانهم هم جو من بلدهم يدورون امان ولقوه في بلدنا ولو راح الامان ثق مليون في الميه انه رح يطلع
منها
فا انته مواطن لا تحظ نفسك مكان الوافد بنسبه للمكان انا ما انصح العوائل تروح له لانه مكان قذر
يفتح عيونهم على اشياء مو موجوده بمجتمعناا
فا نصيحه
ودهم امكان عامه عاديه مثل حديقه عامه تكون فيها العاب
بنسبه للعاب المائيه لانك تسوي لك مسبح خخخخ ولا انك تاخذ مسبح جاهز يكون كبير وسعره رخيص ولا استاجر طراد ودهم البحر ولا خذ لك واحد اهم شي انه مايشوفون المناظر هذي
وخلهم يستانسون وبل الاخير هذولا اطفال يتقبلون كل شي يلعبون فيه بس انك سوي لهم الجو الحلو للمتعه معاهم
والله يحفظ لك عيالك ويخليهم لك انشالله
ويحفظ بلدنا وعيالنا وشبابنا
تحياتي لك