السلام عليكم
يااخوان الكثير منكم يمكن الجميع يلاحظ بعض الشباب يسرع واااااااااااايد وخاصة على الخطوط الخارجية
مثلا ابوظبي دبي – ابوظبي العين او العكس الحين الي ابى اعرفه شو الفايده من السرعه !!!!
بعض الشباب اسئلهم ليش تسرع ؟
يقول والله مستعيل زين هذا الي مستعيل مافكر لا قدر الله انه يمكن مايوصل والسبه انه مستعيل
واحد ثاني يقول لاتخاف السيارة يديدة اوكيه يديدة بس غلطة بسيطة تروح فيها والسبة الثقة الزايدة في السيارة اليديدة
وواحد يقول مايستوي الا الي الله كاتبنه ونعم بالله بس ياخوي شي اسباب لازم الواحد ياحافظ على روحه
وواحد يقول والله احب اداعس الشباب ارويهم قوة موتري … وبعد مارويتهم يابطل شو استفدت
والله يااخوان ياما شفنا حوادث وناس في الشارع طايحين والسبه السرعه …السرعه
والي مب خايف على روحه يفكر في امه المسكينه الي بيحترق قلبها عليه في ابوه في زوجته واولاده
الله يحفظ الجميع ويسلم الجميع ويخلي كل واحد لاهله وحبايبه …… امــــــــــين
هذا الموضوع وااااايد مهم ارجو من الجميع الحذر وتنبيه ربعهم واخوانهم وخاصه الي توهم مطلعين الليسن
وللعلم ياشباب ان الامارات من اكثر الدول نسبة الحوادث فيها
وسامحوني على الاطالة.
اللي بيسرع بيضر نفسه في الاخير ويرمي بعمره الى التهلكه
شو الفايده من السرعه ؟ آخرتها يا اعاقه يا حالة وفاه
المشكله في المستهترين اللي يقودون بسرعه وتهور ويضرون الناس اللي ماشيين في حالهم في الشارع
والا بعض الشباب اللي يستعرضون في الشوارع وآخرتها ينجلب الموتر عليه ويموت
الله عطانا العقل بس بعض البشر عقولهم صغيره لدرجه انهم يضيعون مستقبلهم وانفسهم بسبة السرعه والاستعراض
الله يحفظنا من كل شر
هاهاهاهاهاهاهاها
موتني ضحك، وبنفس الوقت كلامك صحيح
على كل حال، لي صديق هاجر كندا، وقبلها كان عايش بالسعودية وعنده خبرة طويلة بالسواقة، بس يوم سار هناك سوا فحص ليسن وبعد ما استلم الليسن اكتشف انه هالليسن بس حق القيادة داخل المدينة، ولازم تدريبات وفحص ثاني عشان ليسن ثاني حق الخطوط الخارجية والأوتوسترادات….
يا ريت يتم تطبيق هالشي عندنا، لأنه الناس تتدرب في داخل المدينة وما حد يتدرب على الخطوط الخارجية…. وفي فرق بين داخل المدينة والخط.
وسلامتكم
شـكــ وبارك الله فيك ـــرا لك … لك مني أجمل تحية .
انا عن واقع تجربه اشووف الحوادث الي تستوي في الخطوط بسبب الهنوود والحريم الي يلفون عليك
انا يوم كنت قابض الخط ما شي 160 حصلت هندي ماسك الخط السريع وما شي 100 ولا مب طايع يخووز بعد
وقبل كمن يوم كانت وحده قابضه الخط السريع وما شيه 80 خخخخخخ والله قهرتني مسويه ازمه
انا اسرع متوسط المشي عندي من 140-170
بس يوم يكون الخط فاضي
السياير يديدة والخطوط ماشي مثلها في العالم
انا سرت المانيا كم مرة شوف المشي يمشون بسرعة 300 عادي على خطوط الاتوستراد الهاي واي
ياخي المشكلة هب في الشباب المشكلة في الهنود البقر اللي تسوق في الشوارع
انا معاك في كل كلمة