السلام عليكم
يااخوان الكثير منكم يمكن الجميع يلاحظ بعض الشباب يسرع واااااااااااايد وخاصة على الخطوط الخارجية
مثلا ابوظبي دبي – ابوظبي العين او العكس الحين الي ابى اعرفه شو الفايده من السرعه !!!!
بعض الشباب اسئلهم ليش تسرع ؟
يقول والله مستعيل زين هذا الي مستعيل مافكر لا قدر الله انه يمكن مايوصل والسبه انه مستعيل
واحد ثاني يقول لاتخاف السيارة يديدة اوكيه يديدة بس غلطة بسيطة تروح فيها والسبة الثقة الزايدة في السيارة اليديدة
وواحد يقول مايستوي الا الي الله كاتبنه ونعم بالله بس ياخوي شي اسباب لازم الواحد ياحافظ على روحه
وواحد يقول والله احب اداعس الشباب ارويهم قوة موتري … وبعد مارويتهم يابطل شو استفدت
والله يااخوان ياما شفنا حوادث وناس في الشارع طايحين والسبه السرعه …السرعه
والي مب خايف على روحه يفكر في امه المسكينه الي بيحترق قلبها عليه في ابوه في زوجته واولاده
الله يحفظ الجميع ويسلم الجميع ويخلي كل واحد لاهله وحبايبه …… امــــــــــين
هذا الموضوع وااااايد مهم ارجو من الجميع الحذر وتنبيه ربعهم واخوانهم وخاصه الي توهم مطلعين الليسن
وللعلم ياشباب ان الامارات من اكثر الدول نسبة الحوادث فيها
وسامحوني على الاطالة.
شـكــ وبارك الله فيك ـــرا لك … لك مني أجمل تحية .
الحمدلله والصلاة والسلام على رسول الله وعلى آله وصحبه أجمعين
اللي يقول سيارة يديده ما اييها شي
v
v
v
مرسدس اس
تتوقعون هاي شو؟
بي ام ال 700 !!
وغير وغير ..
الشباب يسرعون وعقب يتشكون من الرادارات.. خاصه طريج دبي – بوظبي
مخلينه 160.. ومع هذا تشوف ناس تمشي اسرع!
والموضوع مش موضوع انك تسوي حادث اذا هندي او حرمه لفت عليك.. افرض التاير انفجر عليك مره وحده.. شو بتسوي!
ولا رمل متيمع عالشارع.. او في ايام المطر والضباب صار شي لا سمح الله.. خاصه ايام المطر يا كثر الحواجز اللي تندعم
وع فكره اغلب حوادث السرعه المميته تصير في شوارع خارجية فاضية
الله يهدي الجميع ان شالله
معاك في كل ما تفضلت فيه.