قال عضو اللجنة الأمنية التابعة لمجلس الشورى السعودي اللواء عبدالقادر كمال، إن الأجانب المولودين في المملكة سيكون بإمكانهم الحصول على الجنسية السعودية بعد بلوغهم سن الرشد، وعندها يمنحون عاما مهلة للاختيار بين منحهم الجنسية السعودية أو الاحتفاظ بجنسيتهم الأصلية.
وقال كمال إن الذكر إذا اختار الجنسية السعودية فإنها تمنح له فوراً، لكن الأنثى الأجنبية المولودة في السعودية تمنح “بطاقة” فقط، وتعطى الجنسية السعودية إذا اقترنت بسعودي، ولفت إلى أن ربط منح الجنسية للفتاة بالزواج من سعودي قُصد منه منع استفادة زوجها من جنسيتها السعودية في حال تزوجت من أجنبي، خصوصاً في ما يتعلق بممارسة التجارة داخل البلاد،
:eamaar:
الموضوع يخص السعوديه…..
انحرف اكثر من اللازم
عذرا من صاااحب الموضوع على الاغلاق
انتو تدرون كم واحد اجنبي انولد على ارض الدولة من قيامها الى يومك هذا . ملايين . واذا فكروا يعطون هالملايين الجنسية . انتو وين بتسيرون ياللي تقولون عطوهم الجنسية شو بتسوون ؟ انتو الحينة وضايعين وحقوقكم ضايعة . عيل لو جنسوا هالاجانب في الدولة شو بتحصلون . قرقيعان ؟ 800 الف نسمة وما لنا اي حس ولا خبر . عيل بكرة عز الله في المتحف بيحطونا . مش كلام هو وبس . خلهم اول شي يجنسون ابناء المواطنات والبدون اللي يقدر عددهم 100 الف نسمة .
لو افترضنا ان ها القانون اطبق في دولتنا شو بيستوي:
1- بتشوف كل الاجانب اللي عايشين هنه بيطالبون بالجنسية سواء كان عربي او اسيوي(ويا كثرهم عندنا)
2-بعد ما يستلمون الجنسية كل واحد بيطلب يضم اولادة و اهلة الى جنسيتة و بيستون مواطنين مثلة(اللي داخل و خارج الدولة)
3-بتشوفهم يطالبون بحقوقهم مثل منحه الاراضي و صندوق الزواج و برنامج الاسكان و الكثير الكثير
و في النهاية احنا بنكون الاقلية الاصلية من اهل البلاد و بنكون مثل الهنود الحمر في امريكا و بعد 10 سنين ما بنستغرب اذا كانو بيسمونا ((الاماراتيين الحمر))
بصراحه مانأيدها فالامارات
لانهم ييلسون اكثر عن سن الرشد باضعاف
عقبها
خلاص تضيع الهويه الاصليه
اما السعوديه فلكل دوله قوانينها الخاصه
هالخطوه بتكلف اللمملكه السعوديه بالمستقبل عبئ كبير ومشاكل وبيدخلون بمتاهات الام والاب مايحمل الجنسيه والولد يحمل الجنسيه
ومااعتقد يستوي عندنا بالدوله ولا اتمنى لانه بالدوله عندنا عماله بشكل فضيع