السلام عليكم ورحمه الله وبركاته

اخواني الاعزاء ان شاء الله ناوي اسافر الي مكه لاعتمر عن طريج البر
وبغيت اعرف كم كيلو من ابوظبي لين مكه واي حد سار عن الطريق البر اتمني ان لا يبخل علي بالنصيحه .

7 thoughts on “السفر بالبر الي مكه”

  1. من ابوظبي لين الغويفات تقريبآ 350 كيلو
    من البطحاء لين الخرج تقريبآ 420 كيلو
    من الخرج لين الرياض تقريبآ 75 كيلو
    من الرياض لين مكه تقريبآ 980 كيلو

    اذا تبغى المدينه المنورة
    من الرياض لين المدينه 800 كيلو
    من المدينه لين مكه 400 كيلو
    الله يتقبل ان شاء الله وادعيلنا

  3. هلا اخوووي

    اول ماتطلع من الحدود السعودية البطحاء في عندك طريقين اما طريق حرض او طريق الاحساء وكلهن يودن الرياض بس الفرق بين الطريقين انا طريق حرض ون وية ومكسر هاة الايام فية تعديلات بس انا مايهمني لني ارووح كل شهر هاة الدرب او طريق الاحساء حلو ثلاث خطوط ومريح بس يزيد عن طريق حرض 110 كيلو
    بعد ماتوصل الرياض ريح فيها احسن لك وتقبض الخط اليوم الثاني امسك طريق مكة طريق وسيع ثلاثة خطوط واول ماتوصل الطايف امسك خط السيل الكبير بس انتبة هذا الخط خطير شوية منحنيات ولويات
    وبعد ماتخلص طريق السيل اوقف عند الميقات واحرم من هناك لزوووم اذا انت ناوي العمرة

    والرب لك حافظ

    قبل يومين كنت هناك

    واذا لك حاجة امارة ابشر

  5. السلام عليكم .. عليك بموقع جوجل ايرث .. يبين لك كم المسافة بالضبط ..
    أما اذا حاب تعرف كيف الطريق الى مكة .. حاضرين .. أنا سرت وايد عن طريق البر .. لكن المسافات ما احفظها ..

Comments are closed.