السلام عليكم ورحمة الله وبركاته …
يا جماعة والله اني سافرت بلدان كثيرة وما استمتعت وحسيت بالامان الا في تايلاند .. ( عمار ) أجمل المناطق السياحية و شعب طيب والله لو تشل أي مبلغ كبير او صغير في جيبك ماحد يقرب صوبك .. كل واحد يكد ويشتغل ويبا يعيش عياله ويحترمون السايح كل احترام مب مثل البلدان الثانية سوا كانت عربية او غربية تقول يايينهم نشحت مب جنا سياح والسايح معروف ياي يستمتع ويرتاح ويخري فلوسه في دارهم ليش هاي المعاملة السيئة ؟؟
والله يا جماعة شعب تايلاند محترم يستاهل التقدير وين تحصلون شعب يتحمل جميع جنسيات العالم والسياحة عندهم على مدار السنة من شهر 11 لين شهر 5 موسم أجانب ومن 5 لين 11 للعرب .
لا تقولون لوعة جبد وياكلون الديدان واليراد وغيره يا جماعة لازم نحترم الشعوب وتقاليدها عشان يحترمونا … يا عيني عليكم قوم كااااا كاااا .. والله يا جماعة ما كان في بالي ابداً ازور تايلاند وبالاخص بانكوك طبعاً عارفين ليش ما يحتاي أقول السبب … بس يوم زرت الجزر اللي تابعة لها شفت أجمل المناظر الطبيعية و البحر و جميع التسالي البحرية والغابات وسواقة الدراجات …. الخ . لا يحتاي ليسن ولا هم يحزنون أحترم القانون يحترمونك …. بس شوي الشرطي لازم تدهن سيره بس في وقت متأخرمن الليل اذا حب يغلس عليك وهذا قلما يحدث طبعاً … بلاد فيها من كل شي ( مشتريات – كشته – علاج – والاهم الفوووووت مساج وبلادهم رخيصة بس لازم ماتم تشتري اي شي تشوفه عينك انا قلت كشته و بس والا بتصرف اللي عندك كله وبعدين بتقول عنبوه ما اغلاها .. غالية مره وفلوسهم مافيها بركة مثل ما تقول زوجتي في كل مره وهي الله يهديها تشتري السوق كله وتقول غالية … حركات نسوان عسب ندفع زيادة الموضوع مفهوم 
بس صدقوني اللي يبا يسافر ويرتاح حسب المبلغ اللي عنده يسافر تايلاند …
تحياتي / أبو منصور