الصيف قرب والسفر حــان طاريه ……
اخواني اسعد الله مسائكم بكل خير
الموضوع يا سادة يا كرام ،، ومن الاخر هو “دعاية للامارات “
بمعنى كل واحد يحط الاماكن السياحية اللي تمتاز بهــا مدينته من مراكز تسوق، حدائق و منتزهات ، مساجد ، جبال ، وديان ، سيوح ( صور + تفصيل بسيط )
واذا في اماكن غريبة او جديدة لم يسبق ان عرضت في النت وتنفع تكون من ضمن الاماكن السياحية ، بيكون شي حلو
وبنسوي بعد ما نجمع اكبر عدد من المشاركات موضوع منفصل باسم ( دليل UAESM السياحي ) وبيكون خاص فينــا وفي منتدانــا
وبكذي بنكون سوينا دعاية انترنتية للامارات ولا في الاحلام
على فكرة ( الموضوع هذا لاول مرة ينطرح في المنتديات ) يعني نيووووووووو
هااا شو رايكم !!
فيكم هبــــة !!
هلمــو لنصنع الفارق لدولتنــا الحبيبة !!
القــانون
دبي صغيره وحلوه .. وفيها ما تشتهون من مراكز تسوق وفنادق للإقامه مجهزة بأرقى المعايير ..
وللي يحب يلتقط صور للمدينه ترا في مشاريع ضخمه قيد الإنشاء حلو الواحد يطالع ويتصور أمامها للذكرى
والإمارات دولة سياحيه بأمتياز
والحمد لله جهود الدوله واضحه وآتت اكلها والثمار واضحه للجميع
عندنا الساحل الشرقي
من دبا الحصن الى دبا الفجيرة فضدنا وزكت و الفقيت وشرم والبدية الى خورفكان والفجيرة وكلباء وخورها وبحيرتها ليستا ببعيد
المنطقة هذه والشريط الساحلي الذي يمتد لحوالي 90 كلم من اروع مناطق الإمارات
طبيعه تفيض بثراءها الغني لكل زائر
يستحق الأهتمام الإعلامي والحكومي به اكثر بكثير عما هو موجود
لأن المنطقة سياحية بامتياز
والدليل على ذلك طفرة المنتجعات والفنادق السياحيه بهذه المنطقة[/grade]
موضوع أكبر من ممتاز وإن شاء الله نلاقي التجاوب من الإخوان
والله فكره رائعه
وجزاك الله خير على الموضوع أخوي
وان شاء الله الاخوان يتجاوبون وكلنا نستفيد
أما راس الخيمه الصراحه ماأعرف وايدأماكن تنسار في هالحر أما الشتا بر راس الخيمه ولا أروع
بس عندكم : مركز المنار
حديقة صقر
متحف راس الخيمه
سوق الكويتي
كورنيش القواسم
عين خت بس حاره الحين وايد
سيراميك راس الخيمه
أختكم أم عمر
وأنا أضم صوتي لصوتك لأني طرحت الموضوع اليوم وماحد تجاوب معاي