السلام عليكم ورحمة الله وبركاته
يا شباب من الي ما يحب السيارات الكلاسيكية
موضوعي عن السيارات الكلاسيكية الي يبه يبيع او يشتري وعنده سيارات كلاسيكية او يدور على السيارات الكلاسيكية يحط رده لاني اعرف ناس وايدين يطلبون مني سيارات كلاسيكية واولهم انا ادور على
الكبسولة التيوتا موديل 80 الين 84 والي عنده ويبه يبع فما يبخل علينا
والسيارة الثانية الي ادور عليها الكاديلك 89
اما السيارة الثالثة الكابرس الطابوقة 89
والي عنده الامبالا موديل 1976 وهالسيارة نادر وجودها طبعا ويبه يبيع واحنا شرايين
والموستنج الجديم 1967 هالسيارة انا اعشقه الصراحة
وفي سيارات كلاسيكية نفس الجيتي الي تحيدونه طابوقة موديل 1979 الين 1981
والي يعرف انواع ثانية انا ما ذكرتها من السيارات الكلاسيكية فما يبخل علينا ويتحفنا بمعلومات عن السيارات مع الصور
انتظر ردودكم اخوكم المعتـرض
السلام عليكم والرحمه
شحالكم ؟ علومكم ؟
طبعا اللي بيقولي كيف 2001 وكلاسيك !!
بقوله السياره هاي بدأ تصنيعها سنة 1934 وامتازت بقوتها بالوقت ذاك وبصلابتها وشكلها
واستغل هتلر البيتل في استخدامها الحربية لجيوشه في الحرب العالمية الثانية
وبعد ان تم تدمير المصانع
بعدها انتقل المصنع الى المكسيك والبرازيل
وقام بتصنيع السياره حتى سنة 2003 محافظا على نفس الشكل ولكن باستحداث المحرك
مواصفات السياره
سنة الصنع : 2001 وحالت السياره اكثر من رائعه
اللون : أسود مع اكسسوارات كروم ومن الداخل اسود ولون السيت رصاصي
قوة المحرك : 1900 سي سي
مبدل الغيار : 4 غيار عادي نظام الماني يعني الريوس يكون جير 2 بالسيارات العاديه ،
يوجد بها مكيف وبارد جدا وحالته ممتازه ويوجد بها مسجل جديد
مكينة السياره : بالخلف وانجكتر ومن غير راديتر نظام التبريد الهواء والزيت … والدبه بالامام
قطع غيارها فولكس ويجن او اوودي
السياره مسجله شهر 11 سنة 2010 ومامنه ضد الغير
وانا استخدمتها في ابوظبي ودبي
وما شكيت منها اي شي باستثناء الجير مو متعود عليه
اللي بياخذ السياره ما بيسوي فيها شي غير ( تغير رنجات كروم + سمكره خفيفه مكان الاشاره وموضح بالصور تحت )
وانا افضل انه ما يصبغها لانها بصبغة الوكاله
مطلوب في السياره 25 ألف درهم قابل للتفاوضل للجادين
مع نقل التامين والسياره جاهزة
وصدقوني ما بتحصلون نفس الموديل وبنفس السعر !! نفس هالسعر تنباع بيتل موديل التسعينات !!
للتواصل
0508800606
ما شاء الله تبارك الرحمن
من احلى السيارات الكلاسك
يعطيك خيرها ويكفيك شرها يارب
كم مطلوب في الكومارو ما شاء الله تبارك الرحمن
قولوا ما شاء الله …………
كمارو اس اس 69
السلام عليكم… اخوي حط نوع السيارة و تفاصيلها و ان شاء الله خير…