السلام عليكم ورحمة الله وبركاته
يا شباب من الي ما يحب السيارات الكلاسيكية
موضوعي عن السيارات الكلاسيكية الي يبه يبيع او يشتري وعنده سيارات كلاسيكية او يدور على السيارات الكلاسيكية يحط رده لاني اعرف ناس وايدين يطلبون مني سيارات كلاسيكية واولهم انا ادور على
الكبسولة التيوتا موديل 80 الين 84 والي عنده ويبه يبع فما يبخل علينا
والسيارة الثانية الي ادور عليها الكاديلك 89
اما السيارة الثالثة الكابرس الطابوقة 89
والي عنده الامبالا موديل 1976 وهالسيارة نادر وجودها طبعا ويبه يبيع واحنا شرايين
والموستنج الجديم 1967 هالسيارة انا اعشقه الصراحة
وفي سيارات كلاسيكية نفس الجيتي الي تحيدونه طابوقة موديل 1979 الين 1981
والي يعرف انواع ثانية انا ما ذكرتها من السيارات الكلاسيكية فما يبخل علينا ويتحفنا بمعلومات عن السيارات مع الصور
انتظر ردودكم اخوكم المعتـرض
عندي مرسيدس 450sl شتري + هاردتوب , امريكي , الموتر كلاسيكي موديل 77 , الموتر يباله صبغ و سمكرة + تواير + خدمة كاملة , اغلب قطعه موجود عليه
مطلوب فيه و من الاخر 18 الف درهم نهائي
للتواصل 0506664205
…………….
و عندي دودج مونيكو موديل 1965 كوبيه الموتر وايد نظيف من داخل و من داخل جلد اسود ملكي و من بره بس يباله صبغ و سمكرة يعني اللي يشله يصبغ باللون اللي يحبه , اما الموتر شغال و يمشي امبدله اشياء كثير و مع الموتر اغراض بعد , مطلوب 45 الف درهم نهائي يعني تحت هالسعر رجاءا لا حد يتصل
اذا حد خاطره فيه يكلمني على 0506664205
عندي كاديلاك بروجهام 1988 اللون اسود و من داخل مخمل بيج حالته جيدة جدا
اعطاله: طربال السقف يباله تبديل + بعض الاكسسوارات الكهربائية فالداخلية يبالها ترتيب بس شغل كهربه بسيط
مطلوب 18 الف نهائي يعني اي سعر تحت الـ18 مب بياع
اذا حد له خاطر فيه 0506664205
عندي كمارو rs موديل 1991 الشكل القديم 8 سلندر جير عادي اللون احمر و نظيف الموتر مطلوب نهائي و من الاخر مرة 22500 درهم
للجادين فقط الاتصال على 0506664205
عندي كمية (قولوا ما شاء الله) من المرسيدس الـw126 خاصة الـ560 كوبيه و 4 ابواب بكافة الالوان و المواصفات و الموديلات
موفق بإذن الله … لك مني أجمل تحية .
مطلوب كورفت 1971 ارجو التواصل على الخاص
وجزاك الله خيرا
السلام عليكم موضوع ولا اروع الصراحه
حبيت اشارك معاكم ^______^ وارفع الموضوع في نفس الوقت
هاي سيارتي الصغنونه وايد اعزها مع انها ما تصلحلي لاني طويل بس عايبتني مخلنها ديكور فالبيت لوووول
قولو ماشاءالله ^_^
ميني كوبر موديل 1990 المعروفه بسيارة مستر بن ( ليست للبيع )
وهاي سيارة ربيعي كومارو موديل 1976 ماشاءالله عليها وايد عيبتني وقلت بحطها
والسموحه منكم
اخوكم
احمد الهاملي