السلام عليكم يااخواني
عندي موضوع وحاب انكم تشاركون برايكم وخبراتكم ومواقف مرت عليكم…
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
شو رايكم في هالنوعية من الناس؟؟
يالله همتكم نبا نسمع اراء وردود حلوة
تسلم يا بوعسكور عالبنفسج..ههه
عندي واحد من ربعي نفس الشي خذله افالون من الوكالة وراح لبسها التلبيسة القماش مادري شسمها..قلت الله يهديك ماخذ سيارة جلد وتيلس على القماش الي.. شي غريب الصراحة ..
ثاني يوم اشوفه مبطلنها ومستمتع بالجلد.. عيش حياتك ياخي واتهنا فيها..
خبرونا ياشباب كل واحد شو مسوي في سيارته؟؟
والله ياخوي الي تعبان على بيزاته يعرف قيمة حاجته
اقل موتر ها الأيام 100 الف فما أظن في حد يدفع ها القيمه وبعدين ايخرب الموتر الا انسان تافه( الله يعزك )
اعرف ريال ماخذ لكزس فورويل موديل 2000 لين يومك ما دش الرمله ويوم نيلس فالرمله وقف عند الشارع واتصلبنا علشان نيبه
ماقول غير اليديد حبه شديد عني انا ماخذت سياره من الوكاله من سنين كل السيارات اللي اخذهن مستعمل
بس هالموضه من سنين موجوده بين الشباب بس الحين زادت عسب ان الرواتب زادت وكل واحد يقدر يشتري سياره بنص مليون وبعدين ماتهون عليه يسير فيها مكان
في واحد من الربع خذله جمس بكب الموديل الاولي عقب مانزلوا الشكل اليديد خذه وكنت طالع وياه مره وحده وحطيت رجلي على الكبن قالي نزل رجلك السياره يديده وبعدين يوم كملت سنه قام يطرها طر في الرمل لين باعها
موضوع فنان صدق ومميز
ومن زمااااااااااااان ماشفنا مثل هالمواضيع
والله انة كلامك صدق عندي واحد من الاهل نفس النوع اقول لك عندة اكثر من 5 سياير وكلهن يداد
خذ لكزس يديدة او ماطاحت ولن الحين يمكن ماشية 15 الف بس
داسنها دخل البيت
انا خذت لكزس570 عقب التشيك الاول سرت بها الكويت
قال لي حرام عليك السيارة يديدة
قلت لة وش لة السيارة مشراية الاحق السيرة والردة
بركب سيارة يديدة وبريح عمري بالخط وبكشخ وبتمستع بها
سبحان الله حارمين انفسهم
الموضوع هب انك تكسر سيارتك ولا انة تتزطط على عمرك
كد السيارة وشييكها ولاتهينها وبنفس الوقت استخدم السيارة لاتحرم عمرك وعيالك السيارة
بلوون الموضوع بالعيناوي