في موضوع كنت وانا بعض الشباب نتناقش فيه وهو المغازل وكل شخص قال قصه يعرفها عن احد اصدقاءه بالمغازل وكيف كشفته زوجته وحبت اطرحها عليكم وبعضها يضحك
القصه الاولي
واحد كان مسجل اسمه ربيعته بالتلفون راشد وكان سهران وزوجته عداله عند التلفزيون وكانت ربيعته تدق رنه وتكسر رنه وتسكر حرمته قالت له رد عليه يقول لا هذا واحد اسمه راشد يبا سلف قالت رد عليه وقول ما عندي وكان صوت التلفزيون عالي المهم رد على التلفون فجاءه فاصل اعلاني وصارت الصاله كلها هدوء
وقال لها ها رشود انا مش فاضي والصوت البنيه كان طالع من التلفون واضح وسمعته زوجته وركضت وراحت بيت اهلها اسبوع واخر شي ردت
القصه الثانيه
واحد كان له علاقات غراميه مع بنات وكان له سافرات وكان ياخذ له كل وحده صوره ويحتفظ فيها في البوم خاص فيه بس كان في الدوام مش في البيت ايام حرب الخليج يه مسوؤلهم وقال الي عنده اشياء خاصه في المكتب يشلها لانه في اي وقت بصير تفتيش فكان الاشياء الخاصه الالبوم شله وحطه في دبه السياره وصار له فتره اكثر من شهر ونساه راح هو وزوجته السوق اشتروا روشن للبيت ويوم رد البيت قال للناطور شل الاكياس الي في السياره ودها الشقه والناطور شل الكيس الي فيه الالبوم وزوجته تحطي الاغراض في الثلاجه طاح ايدها على الالبوم وصارت له مصيبه بس الحمدلله ما وصلت للطلاق
والقصه الثالثه
واحد كان مالج ويالس ويا زوجته في كان اخوها الصغير عينه على التلفون عطاه التلفون واتصلت ربيعته ومحطي اسمها اسم واحد من الشباب الولد الصغير بالغلط حط التلفون على السبيكر وصارت له المصيبه
وانكشف
الله يستر علينا وعلى جميع المسلمين ترا موب الواحد يغازل يقوول ما بنكشف لازم اييه يووم وينكشف وهاي قصص حبيت اقولها للاعضاء ان شاء الله تستفيدون منها
تحياتي لكم
100%……….
سبقتي اخوي على طرح الموضوع واشرك على طرحة
وترى موضوع مهم ولازم نكشف المستخبي
الا وهو الهاتف السري للزوج اغلب الشباب في هذا الزمان عنده تلفونين يوم تساله يقول هذا التلفون
للبيت وهذا التلفون خاص (يعني حق الصديقات فقط) وماتدريبة الفقيرة في البيت
وهذا الموضوع شفته عند لي يداومون شفتات ولا يداومون مكان بعيد عن امارتهم ويرجعون اخر الاسبوع لها
فحرام والله حرام خيات زوجية ببيزة ويوم تساله هل مرتك مقصرة في شي يقول لا
بس لي افهمة منهم انهم متعودين على هذا الشي قبل الزواج وبعد الزواج بفترة رجعت حليمة على عادتها
القديمة
فمن الاساس اختي في الله اذا تقدملج ملتزم ولا واحد فري اختاري الملتزم تراه مابيخونج ولا عنده تلفونين
ولي في عينة مرته بس في هذي الدنيا ويحس انها اجمل بنات الارض وتراه احسن من الفاسق لي
عنده علاقات مشبوهه
فالله المستعان كما تدين تدان والجزاء من جنس العمل .
المشكلة والطامة الكبرى المغازل من كبار السن الشواب اقصد انا ما اعطي عذر للشباب
هالموضوع واايد حريم يعنون منه الا وهو الخيانه
اذا الحرمه مب مقصره ويا ريلها ليش يخون اكيد في
سبب بس المفروض الريال ينبها حرمته اذا حس
بنقص ناحيته هالشي مب عيب ولا حرام بس
للاسف قليل من يتبع هالمسأله او بالاصح نادره
والله يهدي الريايل الى يخنون حريمهم
شاكر لك مروركم الطيب وشاكر لك امرؤ القيس
تحياتي
والله يهديهم