في موضوع كنت وانا بعض الشباب نتناقش فيه وهو المغازل وكل شخص قال قصه يعرفها عن احد اصدقاءه بالمغازل وكيف كشفته زوجته وحبت اطرحها عليكم وبعضها يضحك
القصه الاولي
واحد كان مسجل اسمه ربيعته بالتلفون راشد وكان سهران وزوجته عداله عند التلفزيون وكانت ربيعته تدق رنه وتكسر رنه وتسكر حرمته قالت له رد عليه يقول لا هذا واحد اسمه راشد يبا سلف قالت رد عليه وقول ما عندي وكان صوت التلفزيون عالي المهم رد على التلفون فجاءه فاصل اعلاني وصارت الصاله كلها هدوء
وقال لها ها رشود انا مش فاضي والصوت البنيه كان طالع من التلفون واضح وسمعته زوجته وركضت وراحت بيت اهلها اسبوع واخر شي ردت
القصه الثانيه
واحد كان له علاقات غراميه مع بنات وكان له سافرات وكان ياخذ له كل وحده صوره ويحتفظ فيها في البوم خاص فيه بس كان في الدوام مش في البيت ايام حرب الخليج يه مسوؤلهم وقال الي عنده اشياء خاصه في المكتب يشلها لانه في اي وقت بصير تفتيش فكان الاشياء الخاصه الالبوم شله وحطه في دبه السياره وصار له فتره اكثر من شهر ونساه راح هو وزوجته السوق اشتروا روشن للبيت ويوم رد البيت قال للناطور شل الاكياس الي في السياره ودها الشقه والناطور شل الكيس الي فيه الالبوم وزوجته تحطي الاغراض في الثلاجه طاح ايدها على الالبوم وصارت له مصيبه بس الحمدلله ما وصلت للطلاق
والقصه الثالثه
واحد كان مالج ويالس ويا زوجته في كان اخوها الصغير عينه على التلفون عطاه التلفون واتصلت ربيعته ومحطي اسمها اسم واحد من الشباب الولد الصغير بالغلط حط التلفون على السبيكر وصارت له المصيبه
وانكشف
الله يستر علينا وعلى جميع المسلمين ترا موب الواحد يغازل يقوول ما بنكشف لازم اييه يووم وينكشف وهاي قصص حبيت اقولها للاعضاء ان شاء الله تستفيدون منها
تحياتي لكم
شاكر لكم مروركم وتفاعلكم على الموضوع وهذي المشكله سبابها قله الوازع الديني وتسبب مشاكل اجتماعيه كبيره توصل للطلاق وتتفكك الاسره حتى لو الزوجه رجعت لزوجها بيكون بينهم شرخ كبير وتذكر الخيانه دايما في بالها وراح تسبب الشكوك الي بتدمر سعاده الاسره الي الابد
تحياتي لكم اخواني
بومنصور
سبحان الله في مثل كنت اسمعه دائما مع جدتي (كل خينه عليها من الله بينه) يعني لازم ينكشف الخائن ولازم فيه احد بيعرف
اسمحيلي اختي بزنسس ومن ………… انا اشوف لو البنت تمن في بيت اهلها لا افضل ولاشي بل بالعكس مشاااااااااااااااااااكل وحالات نفسيه
المراه بحد ذاتها وانا اتكلم عن الحريم للي يبن الستر والعافيه الله بيرزقها بعيال وتهتم فيهم وتهتم في ريلها بس اهم شي العيال وتتوكل على الله حتى ولو كان الزوج راعي مغازل
لان هذا الزوج مع مرور الوقت بيغير من حياته للفضل وبيعلم اكيد ان ورا مسؤليه
معظم الخيانات اتكون من شباب تنزوجوا وهم صغار وهذا اكبر خطا
لي رجعه للموضوع ان شاء الله
من شب على شي شاب عليه
و الريال اللي متعود على المغازل قبل الزواج فبعد الزواج اعتقد لازم يحن لهالشي مرة ثانية الا من رحم ربي و الله هداه
و الله يكون في عون الحرمة اللي عندها زوج لعوب بتتعب معاه وايد
مرات اقول بدل الارتباط بزوج يخون و لعوب و لا يتوب البنت افضل لها تضل بدون زواج و لا تتعب نفسيا و تتعذب طول عمرها و تييب لنفسها امراض و بلاوي من هالزوج
كلامــــــــــك سليم 100%
وكل هالخيانات اللي نسمعها سواء من الريال او الحرمه ترجع لشئ واحد
ضعف الوازع الديني..
لو كان يخاف ربـــه ، مابيخون .. ولا هو بتخــــونه
بالعكس بتكون حرمته هي أخته وصديقته وأمه وكل شئ فحياته
المشكله ان الرياييل ..ما ينتبهون أم يتناسون نقطه وايد مهمه إذا انت خنت ، أكيد حرمتك او حد من أهلك
يخون.. وكما تدين تدان ..والدنيا دواره
يركضون ورى متعة فانيه وينسون الحلال اللي الله عطاهم اياه
والله يهدي الجميع