الشبـــــــــــــاب والموضة اليديده!!!

103 thoughts on “الشبـــــــــــــاب والموضة اليديده!!!”

1. اختي انا من يومي البس وزره مخططه ..

   يعني عشان العب O × هع

   لا بس اكثر وزتي مخططه و عندي وزره بيضه ساده ..

   و بخصوص الكنادير .. الحين حر و نحن نلبس كنادير خفيفه بس مب لـ درجه يظهر اللي تحت الكندوره .. يعني لو بتشوفين كناديري بتلاقيهن خفاف لكن بطريقه عاديه و يمكن تخطيط الوزار ينشاف لكن مب لـ درجه ملفته و الكندوره اكيد مب مخصره ..

   اغلب الشباب يلبسون جي شراتي لكن اكيد في بعض الشواذ اللي يلبسون كنادير ( حرير ) لدرجه إن الكندوره ممكن اطير ويا الهوا .. و تحتها وزار مخطط او ماركه مثل ما قلتي ..

   لكن للحين الحمدالله ما شفت واحد لابس وزار ماركه << شو هالزمن .. صرنا نشوف وزرة الناس ..

   يا سبحانك ربي ..

2. فقير يتحرى عمره كاشخ وقووووووو

   اسرار الدوامات كلها فالمنتدى

   انتي شو وجهة نـظـرج اختي بخصوص هذا الشيء، وتخيـلي مثلاً شخص قريب منـج فكـر يفصـل هذا النوع من الكنـادير، شو نصيحتج لـه بتكون؟ وشو نوعيتها؟

3. خامة الختم و الألماني و الفلاح طاحت موضتهم ..

   فترة و عدت .. و الحين عدد كبير من الشباب رجع يلبس الخام الخفيف ..

   الخام الثجيل كان يخفي عيوب الجسم .. ما ينعرف الرشيق من الدبدوب

   صج انه غاوي بس كان يعيق الحركه و مب عملي و ما كان يعمر .. بالكثير 3 شهور و نفرهم

   طبعا أنا جفت شباب يلبسون كنادير ماركات .. بس الماركة تكون ع طرف الثوب صوب الأكمام و العقم .. و أنا ما تعيبني هالمووضة ولا أفكر أسويها بتاتا ..

   و أما عن الوزرة أنا واحد من اللي يلبسون وزرة ملونة ومخططة .. بالعكس أجوفها حلوة و تعطي رزة .. وما جوف فيها عيب دامها ما تشف ..

   و تحياتي لصاحبة الموضوع ..

4. اختي العزيزة ( عود معطرر )

   أشكرج على طرحـج الرائع و يزاج الله خيـر

   درجة الحرارة فالظهر توصل لـ 50ْ ، مب من المعقول انه الواحد يلبس طربـال ☺

   الكنادير الخفيفة بعيدة جداً عن ما يقال عنها ( الموضة ) .. أشوف الكنادير الخفيفة تدل على بساطة الشخص، و هي كنادير عادية جداً خالية من ( الشغل ) و الصور و الرسومات، ماعرف ليش مب متقبلينها.

   وما أنتشرت فهذا الصيـف، انا بصراحه ألبسها من فترة بعيـدة وخطف كم(ن) صيف ورمضان وانا ألبسها

   وبخصوص موضوع الوزرة و الماركات، للحين ماشفت في حياتي وزار ماركة، أنواعهم معروفة، الوزار السادة و المربعات اللي انا دوم ألبسه ، و اللي كانوا يلبسونه أجدادنا، هذي مب موضة اختي. بكل بساطة اختيار بين منتجين. ☺

   شفت بعض الكنادير البربري، لكن كـأي رجل عاقل، سيرفض هذي التقليعات، صحيح كل واحد حر في الشي اللي يلبسه، بس بصراحة اللي يلبس هالسوالف بربري وجوتشي و و و … ، احسـه show me the meaning !!

   
   اللي خلاني أكتب عن هالشي لاني شفت بعيني
   اليوم يانا واحد في الدوام كندورته خفيفة ولابس وزار مخطط وحاط ريل على ريل يقول شوفوني
   يمكن انا، ليش لأ!

   فقير يتحرى عمره كاشخ وقووووووو

   
   __________________

5. الله يهديهم اللي اشوفهم لابسين كنادير لاصقة باجسامهم واكثرية اللي يلبسون هالكنادير تكون اجسامهم مرتبة

   وكانهم يقولون شوفوني جسمي حلو لانه محد بيعرف انه معضل بالكندورة التقليدية

   في البداية قلت موضة وبتمر بس اللحين صراحة شي يفشل

   ريال لابس مخصر ما ادري يبغي يثبت رجولته ولا شي ثاني

   وعلى طاري الماركات صراحة ماشفت

   واكيد هالشي في الامارة المعروفة بموضاتها اللي ما تمثل تقاليدنا ولا عاداتنا

   نحن ما شفنا هالشي بالعين لكن ما استبعد هالخبال

   بس اذا وصل الحال لها الدرجة صراحة عيب وعار علينا

   لان الرجولة عمرها ماكان بهالطريقة

   وهالموضة اعوذ بالله تحثنا على الشذوذ

   ومشكورة اختي عود على التنبيه لهالحالة الغريبة

   كله حق البنات والبنت التافهه هي اللي بتلفت حق هالأشيااااااااء

   وعن الماركات حتى انا ما شفت بس خبروني

   
   __________________

Comments are closed.