شو رايكم في الموضة اليديدة عند الشباب
موضة الكندورة الخفيفة والوزرة المخططة
تكون الكندورة خفيفة ويلبس تحتها وزار مخطط أو من ماركة عالمية
مع أو ضد
؟
103 thoughts on “الشبـــــــــــــاب والموضة اليديده!!!”
Comments are closed.
موضة الكندورة الخفيفة والوزرة المخططة
تكون الكندورة خفيفة ويلبس تحتها وزار مخطط أو من ماركة عالمية
مع أو ضد
؟
Comments are closed.
في حد من الشباب يمصخها وايد في الكنادير يخليها مخصرة وايد انا ماتقبل
بس البنات اللي يلبسن عباة ونص ايديهن مكشوفة لو تلبس نص كم احسن تراوي العالم وتغريهم بالعصاقيل
الريال يريل عمره
الصرااحه البناات فنتق ،،
ما عرفنا ،
اتحطوون حطه على الشباب حطه ،،
يختي كل وااحد كيفه شو يلبس ،، يعني لازم تستوي الكندوره الخفيفه موضه << يعني ليش معوره رااسج ( سوري بس الصرااحه ردودج المتحمسه للموضوع قهرتبي << كانج معممه على كل الشباب )
بالذمه يعني تبينا نلبس ختم علشان اتغضون النظر << ما يخصه
( من بااجر شباب كل وااحد يلبس له كندوره اتكون انت والخيمه وااحد .. حتى يوم تمشي محد يعرف انك تمشي من ثجلها )
بس احب اقول شي اختي ..
انتي اتقولين الشباب مفشلينا الله يفشلهم وو انا اقول لج
الشباب الكلام ما يلصق فيهم اليوم عليهم بااجر محد يعرف شو السالفه
—
لاكن الشرهه على البنات الله يفشلهم هم الي مفشلينا ،، والوااحد يستحي يمشي ويا اهله ويشوف هالاشكال ..
كل وحده حااطه توكه قد الجدر على رااسها وتمشي فالسوق
والي يضحك اتشوف وحده قصيره وضعيفه وسلق وراسها صغير واتشوف التوكه الي قد جدر الهريس على رااسها ،، اتخيلوا الموقف بس ..
ولا الموضه اليديده الي طالعين فيها ،
عباية الشل ،، كل وحده شاله عباتها على ايدها علشان يلا شوفوا شو لابسه .. بناطلين ملونه وضيجه ولا قصيره وحالتهم لله ..
اتمنى محد يندفع على فئه محدده .. الواحد يرااجع عمره
السلام و الهدايه …
مع احترامي للموضوع بس ما احس انه يحتاي يتفرد له موضوع كامل و بإسهاب جذه … عموما
انا هب من هالفئه بشكل عام بس اكيد مثل باقي الناس العاديه لنا ملابس للصيف بمواصفاتها و الوانها و طبيعتها و لنا ملابس الشتاء بمواصفاتها و اشكالها و الوانها …
القطعه اذا كانت خفيفه هب شرط اتكون شفافه ابدا و ان كانت ف بالشكل العادي و الغير مبالغ فيه …
اما بخصوص الجنس الثالث او الشواذ اعزكم الله فقضيتهم منفصله و مختلفه كليا …
طيب الحينه الشباب لهم موضه و ان كانت هناك موضه على ما يقولون كيف ننسى او نتناسى موضااااااات البنات و بلاويهن …؟
الريال اذا لبس خفيف في الحر شو المشكله ؟ بس البنت اذا اترصصت و لبست خفيف شوف حجم المصيبه لي بتتسبب ابها ..
هذا فيه نهى اخلاقي و شرعي و حضاري و عرف مجتمعي مبني على العادات و التقاليد الدينيه و الأجتماعيه الأصيله …
موضه اسنمة البخت لي صدق امصخت بزياده والرقبه من ورا يدوب اذا اتغطت مره انكشفت عشر … ولا موضة العباة المخصره ولا الخفيفه بزياده ولا الفراشه ولا الخفاشه ولا الأميره ولا طيحة الكتف ولا الوسيعه بزياده على الأطراف و الأيادي ظاهره و الحنا اشكال و الوان لين الكوع …؟
ولا موضة الوان الطيف و الوان الصيف ولا البلاوي …
ولا موضة البوت و القصير و الفاضح والفاصخ و العاري … ؟
وطبعا اذا يينا لأفة البويات اعزكم الله فحدث ولا حرج و الله المستعان …
منو اكثر فتنه و مصيبه و اثار سلبيه على المجتمع بالله عليكم … ؟
الموضه هاذي عمرها ما كانت لنا ,, و إنما التخلف و نقص التفكير هو ما جلب هذه الأشياء لـ بيئتنا
ناس ما عندها شي تسويه و فاضيه و عايشين في رغد و البطاله كل سنه تزيد و العنوسه كل سنه تزيد و التضخم كل سنه يزيد
صاحب الموضوع يتكلم عن الكندوره الخفيفه الخفيفه اللي يلبسونها الشباب مب عشان الحر على تعليقات البعض و إنما عشان يبان الوزار و خطوطه السخيفه
الله لا يبلينا و يبليكم إن شاء الله