الشبـــــــــــــاب والموضة اليديده!!!

103 thoughts on “الشبـــــــــــــاب والموضة اليديده!!!”

1. اختية انا جربت البس كنادير خفيفة وشفتها فرق الصراحة ببينا وبين الختم

   كفاية انك ترتاح فيها وتنسم هواء عليك ..

   لكن كلمة الحق اختيه اني ووسعت القياس وقالي الخياط اول مرة ايينا واحد يقول وسع

   ولا قلتلة قصر من تحت والحبيب مب عايبنة اني اقصر قلتلة حديث الشريف ما اسفل الطعبين فهو في النار

   مب كلهم مثلك فيه من الشباب ياخذونها انها موضه ويلبسون اللي يبغونه بس عشان يلفتون الانتباه عادي انشوف واحد لابس كندورة بيضة خفيفه وتحتها وزار فوشي والا يطقم لك الغترة ويا الوزار

   
   __________________

2. احسن حل للصيف انه الحريم يغضن البصر عن الرجااااااااااال ولا يطالعن شو لابسين وشو الموضة وكل واحد حر ويدل على شخصيته
   والرجال مب كلهم يحبون التباهي وقوم شوفوني برايهم يلبسون على كيفهم
   شرات البنات ماقد شفنا ولا بنشوف عجائب الكون
   وبعدين وزار مخطط من زمان نلبسه مب شرط سادة
   واسلم على الموضة اللي يلبسون شورت او ملابس شرات …
   وفي الصيف غض البصر يمدحونه

3. ايش يعني كندورة و وزرة؟

   كندورة يعني ثوب

   وزرة جمع وزار وهي قطعة قماش يلفها المواطن الاماراتي تحت الثوب يسمونه ايزار

   
   __________________

4. عود معطر الكنادير الخفيفة للصيف ولا يخصها بلموضة اما الوزران المخططة هاي خطوط عادية اما بخصوص عليها ماركات فهذه منقود

   مستحيل حد يلبس في هل الايام كندورة غليضة لانه بينشوي فيها

   ارباب

   عيل اللي يلبسون الكنادير اللماعة بعد صيف
   واللي تلصق على الجسم بعد صيف
   هالكنادير يلبسونها الاخوة الحلويـــــــــــــــــــــــــــن ……………

   ومره شفت واحد مطقم ويا حرمته شكلهم توهم معرسين (صغار) هو لابس غترة حمرة وهي لابسة شيلة حمرة

   
   __________________

5. ايش يعني كندورة و وزرة؟

   الكندورة يعني الثوب الرجالي الابيض والوزرة هو جمع وزار وهو الاندروير الرجالي في الامارات وعمان واليمن ^_^

   طبعا في الهند يعتبرونه لبس رسمي تشوفون في الافلام الهندية الوزير واقف يخطب في الناس لابس وزار وفوقه قميص

   عودة إلى الموضوع

   وزار ماركة؟؟!!!!!!!!!!!!!!!!!!!!

   من متى؟ انا الوزرة احيتهم يبيعونهم بالدرزن وفي حياتي ما سمعت ماركة وما ماركة عن الوزرة

   لا يكون بعد في وزار جينز ولا جيشي؟

Comments are closed.