الشبـــــــــــــاب والموضة اليديده!!!

103 thoughts on “الشبـــــــــــــاب والموضة اليديده!!!”

1. اختلاف الرأي لايفسد قضية

   اشوف ان كل شخص حر في اللي يلبسه

   ولولا اختلاف الاذواق لبارت السلع

   والحمدالله الجو عندنا يتطلب لبس الملابس الخفيفه يعني من غير المنطقي لازم الريال يلبس كندوره غليضه بينما البنات مستبردات بكنادير الشربت والكيمري

   يلبس كندورة خفيفه ما قلنا شي بس عاااااااد مب شفافة بزيادة عيب
   مخطط , ملون, شفاف يلبسه في البيت جدام أهله مب في الشارع

   
   __________________

2. هيييييييييييأأأ الرده على الشباب !!

   خلونا انشوف موضتكم الي تفطس من الضحك !!

   وهالدراريع أحسن انها تقلل من رجولته !!

   وتقلل هيبتهم بعد محد يحترمهم

   
   __________________

3. اختي العزيزة ( عود معطرر )

   أشكرج على طرحـج الرائع و يزاج الله خيـر

   درجة الحرارة فالظهر توصل لـ 50ْ ، مب من المعقول انه الواحد يلبس طربـال ☺
   
   الكنادير الخفيفة بعيدة جداً عن ما يقال عنها ( الموضة ) .. أشوف الكنادير الخفيفة تدل على بساطة الشخص، و هي كنادير عادية جداً خالية من ( الشغل ) و الصور و الرسومات، ماعرف ليش مب متقبلينها.

   وما أنتشرت فهذا الصيـف، انا بصراحه ألبسها من فترة بعيـدة وخطف كم(ن) صيف ورمضان وانا ألبسها

   وبخصوص موضوع الوزرة و الماركات، للحين ماشفت في حياتي وزار ماركة، أنواعهم معروفة، الوزار السادة و المربعات اللي انا دوم ألبسه ، و اللي كانوا يلبسونه أجدادنا، هذي مب موضة اختي. بكل بساطة اختيار بين منتجين. ☺
   
   شفت بعض الكنادير البربري، لكن كـأي رجل عاقل، سيرفض هذي التقليعات، صحيح كل واحد حر في الشي اللي يلبسه، بس بصراحة اللي يلبس هالسوالف بربري وجوتشي و و و … ، احسـه show me the meaning !!

   اللي خلاني أكتب عن هالشي لاني شفت بعيني
   اليوم يانا واحد في الدوام كندورته خفيفة ولابس وزار مخطط وحاط ريل على ريل يقول شوفوني

   يمكن انا، ليش لأ!

   

   
   __________________

4. الله يهديهم اللي اشوفهم لابسين كنادير لاصقة باجسامهم واكثرية اللي يلبسون هالكنادير تكون اجسامهم مرتبة

   وكانهم يقولون شوفوني جسمي حلو لانه محد بيعرف انه معضل بالكندورة التقليدية

   في البداية قلت موضة وبتمر بس اللحين صراحة شي يفشل

   ريال لابس مخصر ما ادري يبغي يثبت رجولته ولا شي ثاني

   وعلى طاري الماركات صراحة ماشفت

   واكيد هالشي في الامارة المعروفة بموضاتها اللي ما تمثل تقاليدنا ولا عاداتنا

   نحن ما شفنا هالشي بالعين لكن ما استبعد هالخبال

   بس اذا وصل الحال لها الدرجة صراحة عيب وعار علينا

   لان الرجولة عمرها ماكان بهالطريقة

   وهالموضة اعوذ بالله تحثنا على الشذوذ

   ومشكورة اختي عود على التنبيه لهالحالة الغريبة

5. اختلاف الرأي لايفسد قضية

   اشوف ان كل شخص حر في اللي يلبسه

   ولولا اختلاف الاذواق لبارت السلع

   والحمدالله الجو عندنا يتطلب لبس الملابس الخفيفه يعني من غير المنطقي لازم الريال يلبس كندوره غليضه بينما البنات مستبردات بكنادير الشربت والكيمري

Comments are closed.