الشخص اللي يحس عمره صريح يتفضل.. تراني مقهور

9 thoughts on “الشخص اللي يحس عمره صريح يتفضل.. تراني مقهور”

1. الردود اللي تقول عنها سببها طريقة فهم العضو للموضوع .. و مزاجيته ف الرد

2. هلا أخــــوي

   ولا تنقهر ولا تتعب شعــورك
   
   نحن اندش المنتدى هني عشان نعرض افكارنــا و مواضيع او قضايا تهمنـــا
   
   واختلاف الناس امر لا بد منه ! يمكن نكون من دولة وحدة لكن من امارات مختلفة وبيئات تربوية مختلفة وثقافة ومستوى كل واحد يختلف عن الثاني غير ان كل شخص ينظر لأي موضوع من منظوره الشخصي النابع من أفـكاره اللي استمدها من البيئة حوله! والله سبحانه وتعالى قال في كتابه ” ولو شاء ربك لجعل الناس أمة واحد ولا يزالون مختلفين ” هذا الاختلاف هو اللي محلي المنتدى
   
   اذا تكلمت عن الفهم الخاطئ لدى البعض حول اي موضوع بالعكس اشوف انه ايجابي عشان البقية يوضحون له المغزى الحقيقي ويتعلم الشخص الشي الصح ويترك الفكر الخاطئ
   
   وبالنسبة لمسار اي حديث فهذا يعتمد على صاحب الموضوع ومدى ادارته للحوار وتمكنه في بعضهم يكتب لك موضوع او ينقل موضوع وينسى ان في ناس تتريا منه توجيه الحوار لخدمة هدف الكتابة
   
   خذ الامور ببساطة واتقبل كل الناس بقلب كبير وخذ بايد اللي أخطأ وشد على ايد اللي كتب الصواب وشجعه وقول كل اللي في خاطرك باسلوبك بشكل راقي

   ولا تنسى الشاي بالنعناع وانت تتصفح منتدانا الحبيب

   كلامج على عيني وراسي..

   بس القهر يوم خلق الله شوية وبتكفر بعض..

   يا جماعة الخير..

   نحن شو هدفنا من إشتراكنا في المنتدى..

   عشان نزيد الحساسية والا نكفر بعض والا شوووه ..

   انا ما بقول هدفي.. أنا بقول غايتي من دخول هالمنتدى بالذااات ..

   إني جفت روووح الأخوة والمووودة … اللي إفتقدناها في هالزمن…

   وتسلمين على مرورج ومداخلتج الطيبة..

3. شو اقول لك

   المشكلة حد من الناس هب فاضي يقرا الموضع بس قرا اول سطرين

   وكتب تعليق ييب لك المرض….. ياتعليق سخيف مثل ويهة
   ولا مالة خص بالموضوع

   مثال :

   اكتب موضوع عن مشكلة اسرية وتريد من الموضوع طرح مشكلة وايجاد حلوول لها

   تحصل واحد داش عرض ويكتب لك تماسيح وسحالي
   ويالله هجوم ودفاع وخط وسط

   واخترب الموضوع القيم المفيد اللي من المفروض الواحد يتعلم منة الي شي سخيف مكرر 50 الف مرة

   حتى لو كان الموضوع هام بالنسبة لك تلوع كبدك اترد علية

   اشكرك على الموضوع الحلو

   بس المشكلة النت الكل يدخلة من صغير وكبير ومن ذكي وغبي

   فياريت تكون ردودنا اكثر جدية والواحد مايحط نفسة بموقف سخيف بسبة رد اسخف

   هلا اخوي سعيد

   بعض الردود اتنم عن تفكير سطحي جدا او ان الشخص مستخف دمه وايد وهو مب حاس !

   هالردود انقابلها بالتجاهل او برد ممكن تعلمه كيف ان لكل مقام مقال

   بس ارد واقول الكاتب هو اللي يدير الحوار وتميز الطرح يفرض احترام على الكل حتى الناس اللي ردودهم ” سخيفة ”

4. السلام ،،،

   pirate Abu Dhabi أنا أشيد بكلامك وأ أيده
   يا ليت اللي يشارك ما يشارك (( للمشاركه فقط ))
   أتمنى اللي يشارك تكون عنده وجهة نظر في الموضوع نفسه
   ويقدر يضيف للنقاش نقاط (( مب مواضيع جديده مختلفه كليا“))
   علشان الفايده تعم الكل والكل يستفيد وتزيد ثقافته العامه.

   وإذا عنده موضوع جديد خير وبركه بس يطرحه بشكل منفصل
   مب يدخل (( عباس على دباس )) مثل مايقولون اخوانا المصريين.

   وسامحوني على القصور، تراني والله ما أقصد حد معين
   بس أطرح فكره و بشكل عام ،،،

   كلامك ولا غلطة..

   تعرف شو اللي خلاني أتهور وأنزل هالموضوع..

   أني لقيت بعض الناس.. شوية وبتكفر خلق الله..

   وفي ناس.. سلامي عليهم..

   يجوفون الرد اللي قبلهم .. وهات يا الساطور على رقبة راعي الموضوع..

   واللي يبغي يتطور لابد أنه يتقبل النقد.. بطريقة فيها إحترام للشخص وراعي الشان..

   تحياتي وما قصرت على مرورك والمداخلة الطيبة..

Comments are closed.