اخواني نسمع من فتره عن مشروع الشقق المشتركه ..و الي ما يعرفها فهي لها قصه غريبه شويه ..و
هي ان تاجر ايطالي اشترى عدد كبير من الشقق من زمن بعيد و كان وقتها العالم في جو حروب فما لقى
اقبال على شراء الشقق لأنه كان ناوي يبعها و عاش في جو من الاحباط و في يوم زوجته كانت تبي تروح
عنه فعزمته في مطعم مشهور و في المطعم صادف و جود حفله عيد ميلاد ..فقدم لهم النادل كيكه
مقطوعه و طلب منهم شراء قطعه من الكيكه و هني الريال استغرب مطعم مشهور و يبيع الكيك على شكل
قطع ليش ..؟ فرد عليه صاحب المطعم ان ها المطعم بدأ و هو غير معروف و ما اشتهر الا بها الطريقه
الفريده ان الزبون يدفع على قدر حاجته من الطعام بس و الباقي يتركه لشخص آخر يشارك فيه ..و هني بدأ
التاجر يفكر في مسألت مهمه تخص شققه قال ليش اخلي شخص واحد يشتري الشقه كلها و هو ما
يحتاجها الا لمده بسيطه فقط و هني ظهرت مسألة الشقق المشتركه ..
و هي كالتالي ..ان الشخص بدل ما يشتري شقه كامله يشتري اسابيع من الشقه في السنه ..يعني تشتري مثلا اسبوع من الشقه و شخص آخر يشتري 4 اشابيع من الشقه و شخص يشتري شهر من الشقه و هكذا لين ما تنباع الشقه كلها ..بحيث ان يكون سعرها موزعه في سنه ..
و بعدها الشخص الي اشترى الشقه بالفتره المحدده يقدر يأجرها لشخص آخر و هكذا ..
احين نحن نبي نتناقش في نقاط معينه ..
اولا : هل هذه التجاره حلال ام حرام ..
ثانيا : كم شخص منكم جرب هذه التجاره و حصل له موقف نصب او خسر في ايجار او في بيع او غيره
و للعلم اذكر اني سمعت مره في البث المباشر واحد يشتكي و يقول انه سرقوا فلوسه في مشروع مشابه
و الي ما عنده علم عن ها الموضوع اتمنى انه استفاد بها المعلومات ..
و للعلم من فتره بسيطه سمعت ان شركه تأجير سيارات في فرنسا عرضت فكره المشاركه بالسيارات الايجار ..بحيث ان اكثر من شخص يستأجر السياره و كل شخص ياخذها لمده ساعات معدوده و البترول يكون على الشركه ..
فكره المشاركه في الشي بدل ان يأخذها شخص واحد و تكون فائضه عن حاجته فكره مهمه و اتمنى ان نلقى فيه امور ثانيه غير الشقق و السيارات يمكن تلمع فكره جديده من حد ..
و السموحه على الاطاله
اخوي ان اعرف ان التطبيق فيه صعوبة وفيه شوية مشاكل بس اعتقد لو نتفق على شئ بسيط ونكون رابطة بين الاعضاء خصوصا ان الاعضاء من دول مختلفة ومن مناطق مختلفة ولكل منهم اهتمامه ونشاطة
وبالنسبة للقيادة بتكون بشكل مرتب ومرضي للجميع واحنا مارح نجمع فلوس احد عشان ماندخل بالنصب
وهي فكرة اولاً واخيراً واتمنى انو نشوفها على ارض الواقع يعني بضرب مثلا للتوضيح انا عندي محل بالسعودية وانت جبت لي زباين من عندك بالامارات او بالبحرين تاخذ انت عمولتك بس بتكون بشكل منظم على اساس انو الكل يمثل جهة وحدة بضرب مثال ثاني للتوضيح محلي اللي بالسعودية ومحلات الاعضاء اللي بالمناطق الثانية مرتبة بقاعدة بيانات وحدة والكل يستخدم القاعدة بشكل منظم يسجل البضاعة اللي عنده وسعرها واحنا متواصلين مع بعضنا ونقدر نوصل البضاعة لاي عضو يطلبها وباي مكان طبعا العضو هو وشطارته يبيعها بالسعر اللي يريحة اهم شئ ماينزل سعر العضو الاخر
طبعا تفاصيلها كثيرة وادارتها بتكون بشكل منظم ومرتب ويكون فيه مستشارين معنا يرتبون كل هالشغلات ويكون فيه اتفقات بينا على كل شئ ومحد يقدم شئ الا بضمانات وكمبيالات تضمن حق الطرفين
وبيكون بهالطريقة الشغل بشكل كبييييييييير وامكانيات قوية لكل الاعضاء
على ما اعتقد هذا النظام موجود في مصرف ابوظبي الاسلامي واسمه (حصص المشاع)
المثال الي قلته عن الكيك ينطبق بس على الكيك
كيف بتشتري شقه لمده اسابيع وغيرك بياخها لمده اشهر وغيركم سنين وفي الاخير اترد لمنو؟؟؟؟؟
يعني كأنك ماشتريت انته مأجر بس الملكيه ماعرف لمنو
هلا فيك اخوي احمد..
مبدأ اتفاق الاعضاء من ناحيه فكريه فهو اكيد شيء رائع بس في الواقع الحال فالمشاكل كثيره و منها ان في اكثر من شخص بدأ يجمع الاعضاء و سمعت انه نصب عليهم فعملية الثقه تصير اصعب ..و نحتاج لقيادات لها امكانات عاليه ..و الاهم نحتاج لتجربه و لو بسيطه و تكون ناجحه..
انا اعتقد انها فكرة ممتازة جداً كفكرة ولاكن بالنسبة لي شخصيا لم اتعامل بهذا ولااعرف احد معرفة شخصية تعامل بها
بس اعتقد لو نطبق الفكرة هني بس بشكل اخر وهو المشاركة بانشاء مشروع متكامل يخدم جميع اعضاء المنتدى ومن مختلف المناطق
يعني نكون كلنا نمثل جهة معينة ونحدد لنا مجلس ادارة للمشروع هذا ويكون فيها الشغل بحجم اكبر وكل واحد بيساهم باللي يقدر عليه وعلى اساسه نحددد نصيبه معنا
اعتقد كذا بنكون مو خسرانين لما نشترك ومستفيدين لما يكون فيه شغل لان الشغل بيكون يعتمد على الطلب
وطبقنا فكرة المشاركة باسلوب حلو
تقبلوا اقتراحي واذا فيه اقبال ممكن نبدأ بخطوات حلوة وحبة حبة الى ان يحقق كل عضو منا مبتغاه