نعم اخواني الصلاه ممنوعه في هذا الجامع الكبير والذ خصصت مواقفه لزوار معرض جايتكس لاحول ولاقوة الابالله رحت اليوم اصلي صلاة العشاء بهذا المسجد وتفاجأت بان هذا الموقف مملؤ عالاخر ولا يوجد موقف لنمله مش سياره وكذلك هناك سيكيورتي يمنع دخول السيارات وكأنها ثكنه عسكريه وحتى المواقف البعيده عن المسجد لايوجد موقف خالي لركن السياره
ماهذا التخبط!!!يعني ماحصلوا الا مواقف المسيد يخلونها نقطة تجمع- يمنعون الناس من اداء الصلاه لخاطر راحة زوار المعرض وطبعا كلهم من الجاليه الاسيويه وطبعا راح يكون الموقف مملؤ طول اليوم ولمدة اسبوع
لما اتصلت بهيئة الطرق والمواصلات اشتكي لهم لم اجد اي تجاوب لا وقالي هذا لمدة عدة ايام بس!! ا قلتله يعني الناس ماتصلي في هالايام!!شو هالمنطق!!
ياريت لو حد يشتغل بالهيئه يوصل هالملاحظه للمسؤولين بالهيئه لأنه الموضوع فعلا مهم وراح يؤثمون بسبب هالشي ومنع الناس من الوصول للمسيد لتأدية الصلاه

9 thoughts on “الصلاه ممنوعه في مسجد القرهود لحين انتهاء معرض جايتكس!!!!”

  1. باااااااااااااارك الله فيك على حرصك على هذا الموضوع

    ‏من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان

    بس شو المشكله بضبط .. هل المسجد مغلق؟ أو منعوك من الصلاة ؟

    ولا شو المشكلة بضبط …..

    ولا عسبت زحمه الباركنات إلي صوب المسجد فقط؟

    لأني أعرف واحد في الهئية …. بوصله الرسالة وأن شاء الله يقدر يوصلها للمسؤولين المختصين

    والسموحه

  3. لا حول ولا قوة الا بالله أصلا المعرض مكانة غلط كل سنة نفس الزحمة ونفس الازمة ولا حياة لمن تنادي حتى المواقف ما تكفي و كل سنة الزوار بازدياد وغير هذا كله ييونك الشرطة ويغلقون الجسر الي جدام المعرض وعاد لف وانزل نفق واطلع جسر وهذا اذا ما ضيعت بعد وغير المخالفات الي يسجلونها باركن غلط انزين وين الباركن الي نوقف فيه ياريت لو ينقلون المعرض بعيد شوي عن وسط المدينة أو يمددون المعرض لأسبوعين على الأقل ليخفض ضغط الزوار أو يكون مرتين بالسنة أو ……. أو ……. أو ……. في حلول كثيرة و لكن ويييييييييييين!!!!!!!!!! بس شاطرين يغلقون المسجد و العياذ بالله…

  4. { ومن أظلم ممن منع مساجد الله أن يذكر فيها اسمه وسعى في خرابها أولئك ما كان لهم أن يدخلوها إلا خائفين لهم في الدنيا خزي ولهم في الآخرة عذاب عظيم } (البقرة:114)

Comments are closed.