موضوع اليوم الصيد بالزنده وهذي يااخواني طريقه يبالها الصبر لانه يمكن يمر عليك اليوم كله ومايضرب عليك اي شي واذا الله وفق وضرب عليك ما يجيك الا شي راهي انشاالله.
وهذي جنعده صايدنها بالزنده طولها تقريبا 190 سم وخذت 45 دقيقه لين ما حمليتها في الطراد.
وهذا السكل او مثل ما يسمونه اخوانا في الكويت سكن صاده واحد من الجماعه في الطراد بنفس الطريقه وكانت الييمه يعني الطعم قرفاه كبيره وتقريبا وزن السكل 90 كيلو وتعاونا عليه اربع لشخاص في الير وسحبه داخل الطراد وسوالنا يوله في الطراد يلين ماكسرنا راسه بالمطرقه.
مرحبا اخوي الكدن
مشكور على المرور والمشاركه.يا اخوي السمكه اذكى مما تتصور انته لو خليتها في الخيط وما تميت تسحب وياها. تعطيها الخيط يوم تير وتقاوم وتسحب يوم ترجع صوب الطراد تاكد انها بتقص الخيط من فوق المسيم وتاكد مثل هذي الجنعده تقص مسيم 150 متخيل وانا مره نفس المسيم 150 شد وسمت مره وحده وانقطع لاني كنت رابط الخيط وحاولت ابطله ما قدرت من كثر ما هو سامت ويوم يريت الخيط لقيت المسيم تقول قنبله ناقعه فيه.وهذي السمكه يوم سحبت كان الخيط في ايديه وطار مره وحده وزين ماطار صبعي وياه جنه الخيط ناشب في طراد خاطف عدالك بسرعته كامله.وزين ذكريتني بشي مهم انه الي يبى يصيد بالزنده ما تيود الخيط في يديك لانه السمكه العوده ما تلاعب الييمه مثل الشعري لكن تصرط الييمه بكل سرعتها ومثل الجد العود يوم ياكل تكون سرعته تقريبا 220 كيلو وهذا الكلام شفته في برنامج امريكي لشخص هاجمه جد تحت الماي.
السلام عليكم ، مشكور على الموضوع وين عنكم جمعية الرفق بالسمك 0
مشكور اخوي صلاح على هالمعلومات الطيبه ومنكم نستفيد بس عندي سؤال …
انت تقول ظلينا 45دقيقه لين طلعناها … واكيد من قوتها بس سؤالي هو
طيب اذا انا اتجهتلها بعد ماتنشب في الخيط بالقارب بدل اني اسحبها مب احسن ؟؟
تحياتي لك
مرحبا بحلو ابوظبي
مشكور الطيب على المرور الزنده عباره عن خيط 100 ووزن اي البلد يكون رقم 16 وعقب البلد حد يحط رداعه من نفس الخيط وحد يحط مسيم وتكون الرداعه او المسيم بطول 5 باع او 6 باع ويكون الميدار كبير وحد يستخدم ميدارين مثلي والييمه اذا حصلت جد صغير حي توه صايدينه يكون افضل او قرفى حيه واذا ما حصلت قرفى من السوق.واذا كانت المايه هاديه ترتفع الييمه بين مايتين ويضرب عليها الجنعد ولا جد كبير مثل الي في الصوره,واذا كانت المايه حاميه شوي ونزلت الييمه القاع يضرب عليها الهامور والسكل.
ما شاء الله
صيدك حلووو
بس ما شرحت للاخوان طريقة الصيد كيف كانت
حطيت الصور ونسيت الموضوع الظاهر لوووووووول
نتريه منك شرح الطريقه ويعطيك الف عافيه