موضوع اليوم الصيد بالزنده وهذي يااخواني طريقه يبالها الصبر لانه يمكن يمر عليك اليوم كله ومايضرب عليك اي شي واذا الله وفق وضرب عليك ما يجيك الا شي راهي انشاالله.
وهذي جنعده صايدنها بالزنده طولها تقريبا 190 سم وخذت 45 دقيقه لين ما حمليتها في الطراد.
وهذا السكل او مثل ما يسمونه اخوانا في الكويت سكن صاده واحد من الجماعه في الطراد بنفس الطريقه وكانت الييمه يعني الطعم قرفاه كبيره وتقريبا وزن السكل 90 كيلو وتعاونا عليه اربع لشخاص في الير وسحبه داخل الطراد وسوالنا يوله في الطراد يلين ماكسرنا راسه بالمطرقه.
هذي صورة سوس ضارب في الزنده والسوس من اقوى السمك الي تسحب ويصق في القوع ولا يتحرك
ويوم يتحرك يسويله يوله ويلف على الطراد لفه كامله وهو من انواع القرش وعلى هذا كله مافيه اسنان واذا
يبته داخل الطراد مول لاتقرب صوب الذيل لانه بيهفك في ريلك وبيخليها اسبوع وارمه.ويلده خشن مثل ورق
الصنفره يعني اذا فكرة اتيوده بيدك عادي بتتقطع وبيطلع الدم منها.وهو من اغلى انواع السمك على
الاطلاق حتى اغلى من الكنعد بسبب شعاريفه والكيلو من شعاريفه 600 درهم.وهذا كانت ييمته قرفى
ونغر مع بعض و خذله 30 دقيقه لين ما رفعناه الطراد. وشكرا
شكرا على المرور
اخوي الفراغ مشكور على المشاركه.ماشاالله عليك هب ريح وماتتردد في الجواب عن استفسار وما توفر معلومه عندك.ويره وحده من هالنوع احسن عندي من صيد عشر شعريات واذا تبى شوف الهامور وهو حي طالع من البحر دش موضوع من الارشيف.والسموحه
ماشاء الله تبارك الرحمن ..
أنا يعجبني الصياد الصبور .. لو اتم معاك السمجة ساعة بس كم يسوى تاخذ وتعطي معاها ..
ربي يوفقك ان شاء الله ..
ومعلومات طيبة ومفيدة عن نوع الصيد بالزندة وشرح وافي ومبسط .. فيك الخير اخوووي ..
ودمت سالم غانم ..
الصيد بالزنده يعلم الصبر لانه يطول لين ما يضرب بس يوم يضرب الحق ما تلحق اسحب وير وينسحب الخيط
من يديك لين ما تتقطع اصبوعك واذكر يوم ضربت الجنعده كنت لابس قفاز الجلد الشامواه مال الغوص
وغليض وايد وعقب ما خلصت ويبتها داخل الطراد شفت القفاز فيه شوارع ومتقطع بكبره وما يصلح.وانا
احس بالمتعه والراحه يوم اصيد بالزنده وهذي صورة هامور صايدنه بالزنده ولو شفتو الييمه الي حاطنها
بتموتون من الضحك وبتقولون شو بتصيد حوت كنت حاط دردمانه عوده مال عمان وكانت المايه يومها حاميه
اشوي والزنده تامه في القوع مب طايعه تغفي بين مايتين وشوي وماطول وياني الجواب من القاع وبدى
الفيلم واسحب ماتسحب وشكيت اني ساحب حصاه من القوع لو ما كان الخيط في يدي يوم يضرب من
ثقله ظهري عورني ويوم يبته شوفو شو طلع.
مرحبا اخوي البالول
مرحبا اخوي ومشكور على المرور والمشاركه.وهذا صيد خيط مب مسدس يعني السمكه هي الي اختارتني مب انا الي مختارنها واذا شي جمعيه صدق خلها تلاحق كوم بومسدسات وسلندرات ويختارون ويتنقون السمك وهو تحت الماي.هاهاهاها والسموحه من اخوانا الغواصين.وشكرا