موضوع اليوم الصيد بالزنده وهذي يااخواني طريقه يبالها الصبر لانه يمكن يمر عليك اليوم كله ومايضرب عليك اي شي واذا الله وفق وضرب عليك ما يجيك الا شي راهي انشاالله.
وهذي جنعده صايدنها بالزنده طولها تقريبا 190 سم وخذت 45 دقيقه لين ما حمليتها في الطراد.
وهذا السكل او مثل ما يسمونه اخوانا في الكويت سكن صاده واحد من الجماعه في الطراد بنفس الطريقه وكانت الييمه يعني الطعم قرفاه كبيره وتقريبا وزن السكل 90 كيلو وتعاونا عليه اربع لشخاص في الير وسحبه داخل الطراد وسوالنا يوله في الطراد يلين ماكسرنا راسه بالمطرقه.
مرحبا اخوي يزاك الله خير على المشاركه
بالنسبه للقرفى او الجش او الدردمان اول ما تطلع من الخور وقف الطراد ونزل الريش وحاول تشب او اذا وصلت عند المحدق قبل ما اتوح السن نزل الريش وما في مشكله اذا اشتريت ييمتك من السوق قبل الدشه والله بيوفقك انشاالله.وشكرا
عندي سؤال متحير منه من وين اييب ييم حي ؟؟؟ لازم اصيد؟؟؟ وكيف اصيد القرفا؟؟؟
وشكرا
الله يوفقك ويرزق بالصيد بس الزنده تبالها صبر وانته ما عندك صبر يابن منصور.تبى اتوح الخيط وقبل ما يوصل القوع تضرب فيه السمكه.بنتريا صور صيدك انشالله والسموحه