سامحوني اخواني هذا الاسبوع اتاخرت عليكم لاني من نزلت من الطراد وانا مريض وتعبان عشان هالسبب ما نزلت الموضوع في نفس اليوم.دشينا الساعه 4 العصر وكان كل شي تمام والحمد الله والصيد كان ممتاز ولله الحمد بس كان في شي واحد بيخرب دشتنا لو ما ربك ستر,يوم ياب اخوي اليريور قبضته من ذيله بيدي اليسرى وياي احط يدي اليمنى على راسه واقبضه ما وعيت بهذا الي افتر صوب يدي وبغى ينهشها لو ما الله ستر وضرب راسه في صبعي ولا روح الصبع وغافلني هذي المره وكان اسرع مني المهم الحمد الله لكن هذي المره طفربنا الخنان يمكن يبنا اكثر من 20 خن ويانا واحد من الربع تكفل فيهن مسكين ماياب ولا شعريه كله خنان واجداد وضربن عدنا 6 لخم كل وحده حدث ولاحرج واتقطعت ايادينا من الير والصيد هذي المره كله بالتدمينه وجربنا النزالي وما نفع والزنده يضرب عليها الخن والصاروخ ما يصك القوع والحمدلله على كل حال وما اطول عليكم واخليكم ويا الصور.
هذا الشعري اكبر من الجد
مرحبا اخوي بوسعود
الله يسلمك ويعافيك ومشكور على المرور والمشاركه
يزاك الله خير وان شاء الله الي يدشون المنتدى ينتفعون.
وتسلم مره ثانيه
مرحبا اخوي بن منصور
الله يسلمك ويعافيك انا دشيت البحر عن خاطر الشباب يتريون من جمعه لين جمعه عشان يدشون البحر وتلومت فيهم لانه عدنا اذا صاحب الطراد مب موجود ما يطلعونهم من الخور المهم سرت ورجعت محموم .و احين غايته التدمينه واحلى مايه حق التدمينه قبل اخر اسبوع من الشهر العربي عقب المايه تكون حاميه والبلد ما يصك القوع.والسموحه
تستاهل السلامه والله وماتشوف شر .. شفقان للبحر رايح وانت تعباان لو ريحت عمرك لو بعد رمضاان والله المرزق
بالتوفيج وصيد طيب ..
اباك تنصحني اذا بغييت اروح البحر اجرب التدمينه الايام اليايه ولااا ..
والسمووحه
الحمد لله الله سلمك وعليكم بالعافيه على هل صيد الطيب