قبل اسبوع سافرت واتفاجأت من مسج تعرفة المكالمات!
العام كان التحذير عن خدمة بلاك بيري..
والسنة هذي احذروا من رسوم التعرفة الجديدة الموحدة لخدمة التجوال الدولي (نظام الفاتورة الشهرية)! التفاصيل في الصورة تحت
التكلفة بالدقيقة توازي رسوم الاتصال بالدقيقة من على طيران الامارات وعلى ارتفاع 35 الف قدم من سطح الارض!!
تفاصيل التعرفة:
1- اي مخلوق حب يتواصل معاك ويتصل بك: 4 دراهم للدقيقة!
2- اذا اتصلت في حد بنفس البلاد اللي انت متواجد فيه: 5 دراهم للدقيقة
3- اذا حبيت تتصل في اهلك في الامارات: 10 دراهم للدقيقة!
4- اذا حبيت توفر على عمرك وتطرش مسج: 2 درهم للرسالة..
5- للمكالمات المرئية: ضيف 50% على التعرفة ..يعني للامارات 15 درهم للدقيقة..
وبهذي الطريقة سكرت عليكم اتصالات كل الطرق المتاحة للتواصل..العالم تتقدم واتصالات ترجع ريوس بخدماتها السيئة والرسوم المبالغة
يا جماعة ..شو محل هيئة تنظيم الاتصالات من الاعراب؟
نصيحة للجميع:
اول ما تنزل اي دولة وبتقعد فيها اسبوع او اكثر..اشتر لك شريحة SIM لنفس البلاد واستخدمها مؤقتا او خله عندك اذا دوم تسافر نفس البلاد ..بتوفر على نفس مبلغ كبير اذا كنت من النوع اللي وايد يستقبلون مكالمات ويتصلون…لان الفواتير بعد التعرفة اليديدة..عادي اتصك فاتورتك فوق 10 الاف اذا قعدت برع البلاد شهر..والبلاك بيري روحها بلوة ثانية…
اتصالات ناوية نية على البلاد..متحلفة لنا تشفط فلوسنا بالحلال او الحرام وبأي طريقة ممكنة 
نحن في اي كوكب عايشين؟
تتمنى لكم الاتصالات 
رحلة صيفية سعيدة وان تتغصصوا من الخاطر بعد ما ترجعون من السفرة وتشوفون الفاتورة 
أحسن حل أنك اطرش رسايل مكتوبه وشرايط مسجله أرخص وبتقدر تشرح وضعك بالتفصيل
شـكــ وبارك الله فيك ـــرا لك … لك مني أجمل تحية .
باختصار شركات الاتصالات ف الامارات ( حراميه محترفين )
شكرا على التوضيح
وشكراً على الردووود والتوضيح ..
طلعتي على حقيقتج لوول…شكلج بتسكرين في ويه اي حد يتصل بج اذا مسافرة خخخ…
شكرا على مرورك الطيب..