الطرق المثلى للتوفير

13 thoughts on “الطرق المثلى للتوفير”

1. انا اقول الاستغفار والصدقه تبارك فى المال وتزيده حاول ان تستغفر فى اليوم قد ماتقدر وحاول ان تتصدق فى كل شهر بمبلغ بسيط لفقير او يتيم وان شاء الله بتشوف الفرق استغفر الله العظيم الذى لا اله الا هو الحي القيوم واتوب اليه

2. إصرف مافي الجيب يـأتيكـ مافي الغيب ..
   ^_^

   الله كريمـ ..

   أنا عن نفسي ما عندي أي طريقه ..
   بس الحمدلله .. شهرياً الباقي من الحساب .. أحوله على التوفير .. يعني مب ملتزم بـ مبلغ معين ..
   وطبعاً الجمعيات لابد منهـا.. كل آخر سنه .. عسبت المالخفات ..

   (أنا ما أظن انه الراتب اروحه على هـ الغلى يكفي لين آخر الشهر .. الله يخلي المصادر الثانيه)
   الحمدلله على كل حال ..

   أنا أشوف الجمعية .. وايد زينه .. توفر قد ماتبى .. ( حسب الجمعية)

   ومنكمـ نستفيد .. نتريا آراءكمـ ..

3. الصراحه انصحكم بالجمعيات
   الحمدلله ما اعتقد انه في برنامج توفير
   احسن من الجمعيات
   والجمعيه تقدر تحدد بروحك كم تبغي توفر من راتبك
   بس لازم تدخل ويا ناس موثوق فيهم

4. أخي الكريم
   اذكر لك خطوات مختصرة اتبعها انا في حياتي :

   1- الغي كافة بطاقات الائتمان اللي عندك لأنها تخليك تصرف بدون ما تحس ، أو احتفظ بواحدة فقط للضرورات القصوى مثل شراء تذاكر السفر عن طريق النت.

   2- قم بتحديد مصاريفك الشهرية برقم دقيق :
   مثال : تقول انه مصروفك الشخصي ومصروف الأسرة بما فيها جميع الفواتير (هواتف + كهرباء ، الخ) ومستلزمات البيت من مواد غذائية وتموينية يبلغ بالشهر الواحد 8000 درهم.

   3- تقوم بفتح حساب توفير لمدة سنتين او ثلاث سنوات ولا يمكن السحب منه ، ثم تعطي امر تحويل للبنك بتحويل المبلغ المتبقي من راتبك بداية كل شهر ويبقى فقط 8000 دراهم في حسابك (المصروف الشهري).

   وبالتوفيق ان شاء الله

5. انا اشتغلت 5 سنوات وفالاخير طلعت مديون
   ما قدرت اوفر وقلبت الفكره براسي قلت مايصير كذا 5 سنوات ومديون لازم تصلح الوضع تلحق عمرك ورانا زواج ومصاريف
   وما لقيت حل للتوفير الا عن طريق الجمعيه طبعا طلبت الوالده الله يطول بعمرها واعمار امهات المسلمين
   قلت شوفي لي حد من ربيعاتك يبون يسون جمعيه وخلوني اخر واحد واخترت ربيعات الوالده عشان اكون مضطر للسداد ولا فيه مجال وضليت معهم 18 شهر اول 3 شهور عذاب والغيت بطاقت الفيزاء وتميت على اقل من نصف الراتب بعدها شفت الوضع تمام ممكن اكيف نفسي بن الراتب ومشت الامور الحمدلله
   بس للحين ما تزوجت

Comments are closed.