السلام عليكم ورحمة الله وبركاته
سمعت من بعض الشباب انه في جلاد شفاف يتركب على بدي السياره يحميها من عوامل المناخ ( الشمس والغبار ) ويتم لون السياره ما يتغير ويحتفظ في لمعته
الريال قالي انه يتركب في وكاله كلداري ويعطون
عليه ضمان 5 سنوات
بغيت اسال حد ركبه وجربه من قبل ؟؟
وكم السعر وشو اسماء المحلات اللي تركبه والضمان وشكرا
ارجوا من له علم بالموضوع انه ما يبخل علينا
ولي ما له علم نرجوا منه رفع الموضوع لتعم الفائده
ما يبالها تنظيف . اللهم رش السياره بماي و مشها وانت والخير رباعه , السياره اللي عندي من سنه الحين وكاليوم اوقفها في الشمس . والله لو تشوفها كانها واقفة في الوكاله ولمعتها افضل بعد
لي في عيمان ما يسوي الشفاف عندة نوع واحد بس وأسمة ( مات ) لونة بين الرصاصي والأسود رصاصي غامج ويسوية أب 8000 درهم. وأسم المحل الفرسان.
أخوي الرميثي يخصوص العازل الشفاف انا أحس إنة الطبقة خفيفة يعني أي حصاة أو أي شي ممكن يخدش الغازل ولا ؟
الشيخ اللي انته حاطنه ماده تلميع ولا جلاد
واللي انا اتكلم عنه والريال قالي في وكالة كلداري مب الفطيم
على العموم انا باجر باتصل فيهم وبروح اشوف بنفسي وبخبركم
لانه ربيعي يقولي انه وايد زين خصوصا للالوان الغامقه هو عنده لكزس من اليداد سودا والحين يوم يغسلها على طول تلمع وبعدين وايد مفيده للشباب اللي يضربون خطوط احسن من التغبيرة
الغالي الزبرد هاذا مسونه عند وكالة الفطيم 1200 درهم كلام فاضي والله
بعدها السيارة تغبر ولا كاني حاطلها بينت بروتكشن وهي من نفس هاي النوعية دايمونت جلوس
شوفوا في في زيبارت اللي وكيله كلداري
ادخلو على هالرابط
Ziebart International :: Protection :: Diamond Gloss